Gondomar
O Valedor do Pobo entende que as autoridades de Gondomar incumpren a súa obriga de garantir a seguridade vial dos alumnos do CEP de Neira Vilas de Peitieiros. Nomeadamente, comunicáronlle o pasado 13 de agosto de 2012, que abrirían unha investigación ante a ausencia da Policía Local nas horas de saída para ordenar o tráfico da zona . O organismo manifesta a súa preocupación pola localización do paso de peóns que os cativos deben cruzar para achegarse ao transporte escolar, situado "nas proximidades dunha curva con reducida visibilidade". Tras pasar os prazo de 15 días que outorga a lei para que o Concello dera unha resposta, o pasado 13 de xaneiro o Valedor do Pobo volveu a requirir unha resposta das autoridades locais.
Gondomar
O Valedor do Pobo intima ao Concello de Gondomar para que responda pola seguridade vial dos escolares de Peitieiros.
Dous équidos feridos no Galiñeiro deberon ser sacrificados e retirados polo Concello de Gondomar.
- Ambos os dous animais foron examinados previamente polos servizos veterinarios e, ante o mal estado que presentabas debido ás súas feridas, decidiuse sacrificalos, segundo da conta o concelleiro de Medio Ambiente, Juan Carlos González Comesella .
-A asociación que xestiona o curro do Galiñeiro sinala que non foi informada dos feitos polas autoridades.
O primeiro deles foi localizado na parroquia de Morgadáns, no lugar de Murxido. Segundo relatou González Comesella a VM, tratábase dun exemplar vello. Recibido o aviso, mobilizouse a Policía Local e deuse aviso aos servizos veterinarios. Tras examinar o animal que se lanzara por un terraplén impactando contra a calzada, os servizos veterinarios aconsellaron sacrificalo debido á gravidade de feridas que presentaba. Unha vez sacrificado, o corpo do animal foi recollido por un xestor autorizado.
O segundo dos casos tivo lugar na estrada do Galiñeiro. Nesta ocasión tratouse dun poldro ferido na calzada, que unha vez mobilizado o mesmo operativo e examinado, tamén foi sacrificado debido ao seu mal estado.
Autoridades da Xunta mostraron a súa satisfacción trala visita as obras do Auditorio Municipal Lois Tobío.
O conselleiro de Cultura, Educación e Ordenación Universitaria, Xesús Vázquez Abad, visitou onte Gondomar para comprobar o avance das obras de reforma que se están a realizar nas instalacións do Auditorio Lois Tobío, nas que a Consellería aportou 170.000 euros. O proxecto, cun custe estimado nos 250.000 euros, ten por obxectivo dotar as instalacións de vestiarios, adecuar a platea para outros usos así como mellorar diversos servizos e reestruturar a fachada.
BNG Gondomar solicita o rexeitamento do anteproxecto da Lei do Aborto
O BNG solicitará no próximo Pleno do Concello de Gondomar o rexeitamento do anteproxecto da Lei do aborto aprobada polo Consello de Ministros o pasado 20 de decembro.
Os nacionalistas popoñen a paralización inmediata da lei e que se inste á Xunta de Galicia a que demande do goberno do Estado (e ao Ministro de Xustiza) a manter e aplicar a Lei orgánica 2/2010, de 3 de marzo, de saúde sexual e reprodutiva e da interrupción voluntaria do embarazo.
Veciños afectados por inundación e posterior derrame de combustible no garaxe dun edificio de Gondomar.
Un intenso cheiro a gasóleo afecta a zona localizada na Avenida Elduayen á altura do cruce con Curros Enríquez e Campo da Feira, trala inundación e posterior derrame de combustible nos garaxes do edificio Casa Aquilino. Segundo puido saber Valminor.info, varios veciños deberon abandonar os seu fogares ante a intensidade dos fluídos, ademais do corte no subministro de calefacción, auga quente e o servizo de ascensores para permitir os traballos de limpeza.
Imaxes da riada do día de reis en Gondomar
-Un vídeo de Gondomar.tv documenta os efectos da treboada de vento e choivas que provocou unha nova enchente dos ríos Zamáns e Miñor que afectaron a vila durante o pasado día 6 de xaneiro.
A Garda Civil queda sen radar en Vincios logo de que un conductor a emprendese chocando contra o vehículo policial
Os feitos aconteceron onte na estrada entre Zamáns e Gondomar á altura da parroquia de Vincios, un dos tramos máis negros da comarca en canto a número de sinistros.
Un conductor emprendeuna contra o vehículo policial logo de que o radar o fotografase cometendo unha infracción de tráfico.
Tres coches implicados nun accidente múltiple na AG57 en Gondomar
Cinco persoas resultaron feridas, entre elas dous menores de idade, nun accidente con tres vehículos implicados rexistrado na autoestrada AG57 ao seu paso por Gondomar, segundo informaron fontes do 112 e do 061.
O sinistro produciuse ao redor das 17,50 horas do pasado mércores 25 de decembro.
Veciños e bombeiros sofocan o incendio dunha casa en Vincios con mangueiras de xardín
Os feitos aconteceron a pasada madrugada, pasadas ás 23:30h, cando o GES recibía aviso da posible explosión dunha caldeira nunha casa particular no barrio de A Rocha, en Vincios.
Os dous axentes do GES do Val Miñor de servizo acudiron cun vehículo-lixeiro á chamada de alerta, dando aviso previo aos bombeiros de Porriño dada a presumible entidade do sinistro.
Á chegada dos efectivos do GES, os veciños xa tiñan controlado o lume con varias mangueiras de xardín, e quedaba desbotada a hipótese inicial da explosión da caldeira como a do incendio. O lume orixinouse no faiado da casa onde gardaban roupa e mobles, presumiblemente causado por unha curta ou falla eléctrica.
O GES refrescou a zona das chamas coas propias mangueiras de xardín utilizadas polos veciños ante a falta de medios de extinción que presenta o operativo de emerxencias.
Por sorte, non foi necesario a actuación dos equipos de bombeiros de O Porriño, dada a entidade do lume.
JPAGE_CURRENT_OF_TOTAL
