Gondomar
O curtocircuíto entre o goberno en minoría (PP-CDL) e a oposición en Gondomar agravouse trala solicitude de dimisión ao alcalde Fernando Guitián presentada no apartado de Rogos e preguntas polo portavoz de ANOVA, Antonio Araújo. Na mesma sesión o portavoz socialista Paco Ferreira sacou adiante unha moción que obrigará a Guitán a comparecer no vindeiro mes de abril ante o pleno. Ambos feitos fundamentáronse na recente imputación xudicial do rexedor por un presunto caso de prevaricación administrativa en relación á adxudicación do servizo de conservación de zonas verdes do concello á empresa Jarma S.L., sen concurso público previo. A empresa pertencería ao fillo dun vogal da xestora do PP local.
Neste clima transcorreu a sesión plenaria do pasado xoves onde a oposición tamén botoulle abaixo ao goberno unha modificación de crédito de 53.000€ para complementar o orzamento das obras do auditorio municipal Lois Tobío.
A xustiza dá a razón a 40 traballadores do Concello de Gondomar que recorreron unha modificación da relación de postos de traballo aprobada en 2010 que beneficiaba cun aumento de soldo de 9.000 euros anuais ao arquitecto municipal. Aprobada por acordo plenario durante o goberno de Martín Urgal (PP), a modificación foi considerada un "agravio comparativo" por parte do resto da plantilla que decidiu recorrer a resolución pois o aumento non se correspondía con ningunha variación das funcións do técnico. O xulgado número 2 de Vigo acaba de ditar unha sentenza anulatoria do acordo plenario por considerar que o aumento salarial non tiña ningunha xustificación obxectiva segundo da conta nesta xornada 
"Tanto temporal e como consecuencia das crecidas do mar", era a ironía coa que os veciños da parroquia de Couso (Gondomar) tentaban explicar este martes o achado dunha embarcación no medio do seu monte comunal. Cos sinais de identificación totalmente borrados, a nave foi transportada e abandonada en medio dun arboredo por mans anónimas. Traballadores da empresa encargada de retirar árbores caídas polas treboadas dos últimos días foron os autores deste achado que xa algúns con humor queren "reciclar" cara o Entroido da parroquia.
-Con coloridos disfraces, máscaras e fantasías máis dun milleiro de raparigos percorreron a vila acompañados de mestras e profesores ante unha multitude de veciños que saíron ás rúas na primeira xornada do Entroido de Gondomar.
-Venres 21 de febreiro ás 20 horas no Centro Neural de Gondomar, informe e debate sobre o urbanismo en Gondomar “O PXOM de Gondomar. A ferramenta da especulación”, a cargo do coordinador local de EU, Josué Villar e a responsable de urbanismo da agrupación, a estudante de arquitectura Jimena Varela.
O blog do Comité de Empresa da Televisión de Galicia, onde dende fai meses fan públicos os casos de manipulación informativa, sinalan que o caso de Gondomar foi silenciado nos informativos da canle pública.
