A Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais organizan un Curso de Complementos de Moda: "SOMBREIRARÍA".
Esta actividade ten por obxectivo dar resposta ás inquedanzas manifestadas polos artesáns e a súa necesidade de pórse ó día en canto ás novas técnicas que permitan unha maior diversidade das súas producións para, así, aumentar a súa competitividade e acceder a novos mercados.
15 artesáns de toda Galicia perfecciónanse na técnica da sombreiraría en Gondomar.
Ciclo de cine ao aire libre “Día Mundial do Medio Ambiente” na Praza Escolas Vellas de Gondomar.
A Asociación A Groba confirma a celebración do Día Munidal do Medio Ambiente para os días venres 13 e sábado 14 na Praza Escolas Vellas diante do Centro de Saúde de Gondomar. Terán lugar pases de filmes que abordan diversos aspectos das problemáticas ecolóxicas e ambientais no país e no planeta. Todos darán comezo ás 22 horas.
Mendez Ferrín presentará en Gondomar a obra “Ceibes no monte. Patrimonio vivo na terra de Turonio”.
Este venres 13 ás 21 horas, Xosé Luís Méndez Ferrín e Saluistiano Mato presentarán o traballo de Ceibes no monte. Patrimonio vivo na terra de Turonio, na libraría Libraida de Gondomar (Rúa Rosalía de Castro, 13). A obra está composta por un conto, un libro e máis un DVD onde se recollen os froitos dun traballo que dende 2003 se desenvolve nas aulas do IES Terra de Turonio cara aos garranos que habitan as serras do Val Miñor. Entre outros fornecen a obra, Santi Veloso, Alfredo López (Tokio), Andrés Meixide, Eva Moreda, Gonzalo Moure e Méndez Ferrín.
Inscricións abertas para participar dunha andaina polas ribeiras dos ríos Amados, Rasas e Morgadáns .
O Pavillón de Deportes de Gondomar abre inscricións para participar da III Andaina Saudable que organiza a Concellaría de Deportes local. Os que se anoten poderán participar dunha ruta de case 19 quilómetros que partirá o vindeiro domingo ás 9 horas do pavillón cara a visitar as ribeiras dos ríos Amados, Rasas e Morgadáns, e permitirá coñecer máxicos recunchos así como gozar de fermosas vistas das parroquias de Gondomar, Couso, Peitieiros, Morgadáns e Chaín.
portAmérica 2014, máis fusión musical e gastronómica
O Festival PortAmérica Rías Baixas deeu a coñecer esta maña a súa programación musical e gastronómica para esta edición de 2014.
A gastronomía do "Co-cooking ShowRocking" acollará baixo o mesmo teito a cociñeiros consolidados xunto a promesas da gastronomía.
Isabel Blanco-Rivas presentará este xoves o seu novo libro, “Los mundos ajenos”, na libraría Libraida.
Isabel Blanco-Rivas, escritora e avogada viguesa presentará este xoves 12 de xuño ás 20:30 horas , na libraría Libraida de Gondomar o seu segundo libro de relatos, titulado Los mundos ajenos. Unha obra que afonda nas emocións, sentimentos e vivencias das persoas con capacidades diferentes. Publicado por Belagua Ediciones, o libro está prologado por María Dolores Rodríguez Araújo, vicepresidenta da Fundación Magar. No acto intervirá Alicia Cedeira Rodríguez , directora do Centro Juan María de Educación Especial de (Parada), xunto coa autora.
Desaparece outro medio en galego, Cadernos de Comunicación
Os promotores deste dixital para a diáspora láianse da falta de apoios e da "deslealdade dalgúns medios dixitais do país" e a falta de apoios políticos.
Couso convida a desgustar tapas a 1€ todos os fines de semana de xuño no entorno do Galiñeiro.
Case nos cumios do Galiñeiro e con vistas panorámicas cara ao val e a Groba pódese desgustar todos os fines de semana de xuño tapas a 1€. Para elo basta con achegarse ata a casa veciñal da parroquia de San Cristovo de Couso onde a comisión de festas local será a encargada de atender aos visitantes. O lugar convida logo de desgustar da gastronomía, a dar un fermoso paseo por algunha das rutas arqueolóxicas ou entográficas que os comuñeiros do lugar manteñen perfectamente mantidas e sinalizadas para goce dos visitantes. Aqueles que se acheguen ao convite tamén participarán dun sorteo por un cheque valor 300 euros para o que se entregará unha rifa por cada tapa consumida.
A celebración do Día Mundial do Medio Ambiente en Gondomar queda posposta para a vindeira semana
As inclemencias meteorolóxicas impediron desenvolver os actos organizados pola Asociación A Groba en colaboración co Concello de Gondomar previstos para este venres e sábado na vila. As mesmas terán os días venres 13 e sábado 14 de xuño.
JPAGE_CURRENT_OF_TOTAL
