O Xornal do Val Miñor. Baiona, Nigrán, Gondomar

“Somos as películas que vivimos, as que nos deixaron pegada e ás que regresamos de cando en vez”. Nesta frase agóchase o corazón de O espido de Gina (Galaxia, 2014) a nova novela do escritor e cinéfilo Miguel Anxo Fernández que este mércores ás 20:30 horas será presentada na libraría Libraida (Rúa Rosalía de Castro, 13). O tamén escritor e director da Sección de Filoloxía e Literatura do IEM, Miguel Anxo Mouriño, acompañará ao autor durante o acto.

Convocase para o dia 25 de xuño as 11:30 horas aos accionistas de TEV entre os que haberá algúns desta bisbarra do Val do Miñor, herdeiros por caso daqueles que seguindo o consello da plataforma do ferrocarril de Vigo a Baiona que lideraban Xulián Valverde e Xoaquín Fontán, ou empregados tranviarios –condutores, cobradores, xefes de estacións, etc- confiaron seus aforros e mercaron accións da Compañía onde desenrolaban o seu traballo.

O punto central da xunta será unha proposta do Consello de Administración para aumentar o capital de nove millóns de euros sobre o actual, que é dun millón, de modo que o nominal de accións pase dos sete euros actuais a setenta euros, “cifra moito máis axustada e en consonancia co valor real da empresa”, segundo os actuais directivos.  Sinalan que trátase dunha ampliación “sen desembolso por parte dos accionistas, pois é con cargo a reservas voluntarias”.

A noite do 23 de xuño a asociación Espazo Lectura celebrará, un ano máis, un san Xoán alternativo con A Fogueira dos Versos: unha festa na que se combina a celebración popular desta data (con comida e cacharela), co recitado de poemas a carón do lume e cun espectáculo cultural que este ano correrá a cargo de Luis Correa "Caruncho", quen, acompañado da súa zanfona, interpretará un repertorio de música tradicional.

A BBC publica un interesante artigo da xornalista Rachel Nuwer sobre a situación das línguas minoritarias e as línguas en perigo de extinción.

O artigo sinala que durante o último século extinguíronse ao redor de 400 idiomas, aproximadamente un cada tres meses. 

Así mesmo apunta que  50% das 6.500 linguas restantes do mundo desaparecería a finais deste século.

O pasado 8 de febreiro fixéronse cinco anos dende que un colectivo autoalcumado bilingüe co apoio de partidos como o PP, UPyD ou Falange saíu en manifestación polo centro de Compostela para clamar contra o que consideraban "imposición" da lingua galega. Media década despois e mentres esta asociación segue a emitir advertencias máis ou menos risibles a través das redes sociais o galego está tan lonxe de ser imposto como daquela, pero tamén en condicións sensiblemente peores para acadar unha presenza normal no ensino, tal e como marcan as leis. Así o constata, cando menos, a cuarta edición da enquisa coa que A Mesa pola Normalización Lingüística obtén un retrato da saúde do idioma nun dos ciclos educativos máis sensibles, o infantil, e nun dos entornos nos que a conservación do galego ten, a priori, máis problemas.

Esta fin de semana o Colexio Neira Vilas cumpre 25 anos. As actividades comezan hoxe venres, ás 10.30 da noite, coa actuación do Grupo Bertorella, que representará a obra de teatro "O can de San Roque", unha adaptación do conto do mesmo nome de Victoriano Taibo. Mañá, sábado, ás 12 horas, charla-coloquio coa pedagoga Antía Cal e co escritor Xosé Neira Vilas, nun acto conxunto co Colexio Rural Agrupado, e na que os antigos alumnos dos dous colexios poderán falarán sobre as súas experiencias como alumnos, e reflexionarán sobre a evolución da vida escolar dende as escolas rurais ata a actualidade.

Cotobad, Villanueva de Arosa, Bayona, Puenteareas, Puente Caldelas, Sangenjo, Oya, Panjón... E así, unha longa lista de toponimía deturpada. Eran os nomes que figuraban nun mapa que un alto cargo do Ministerio de Agricultura utilizou hai uns días nun acto en Panxón.

Tripadvisor, a maior web de viaxes do mundo anunciou este mes de maio, o recoñecemento do galardón de Certificado de Excelencia 2014 a este hotel miñorán, un premio que só se concede a 1000 hoteis en todo o mundo, a partir das valoracións e críticas dos propios clientes.

Cando temos en mente viaxar a un lugar concreto sempre acudimos a familiares ou amigos que estiveron na zona de destino para que nos recomenden un hotel, os lugares a visitar, onde debemos comer pero tamén onde non debemos ir, sexa por cuestións de prezo, atención, servizo ou mesmo por limpeza e hixiene do lugar.