O Xornal do Val Miñor. Baiona, Nigrán, Gondomar

O día xoves 22 de maio ás 20:30 horas a Aula de Cultura Ponte de Rosas recibe unha nova mostra: “CINZAS” do artista Ramón Trigo. No acto contarase coa presenza do autor e unha presentación a cargo do músico Alfredo Dourado

Ramón Trigo (Vigo, 1965) alterna os seus traballos como ilustrador e autor de bandas deseñadas coa pintura e a escultura. A súa obra ten sido exposta en diversas galerías e espazos culturais así como obxecto de múltiples galardóns. Entre eles o l Premio Cómic da Deputación de Cuenca , o  Premio Álbum Ilustrador Cabildo de Gran Canaria(2007), o V Certame Internacional Albúm Infantil Ilustrado Cidade de Alicante e no 2012 o prestixioso Premio Lazarillo outorgado polo Ministerio de Educación e Cultura.

A Concellaría de Educación do Concello de Gondomar, que dirixe Paula Bouzós, en colaboración cos pais, nais e equipos directivos dos Conservatorios "Elemental de Música de Gondomar" e "Profesional de Música de Cangas" organizan un intercambio cultural que se verá materializado con dous concertos, de entrada libre, que terán lugar mañá mércores 21 de maio en Cangas e o mércores 4 de xuño en Gondomar. Ámbolos dous ás 19.00 horas.
Neste intercambio actuarán, por parte de Gondomar: a "Orquestra e Coro", e por parte do de Cangas: o "Gupo de clarinetes" e a "Orquestra de corda".

A obra do miñorano Fernando Casás (Gondomar , 1946) percorre o mundo dende hai case medio século. Considerado un dos iniciadores do movemento Arte e Natureza, viviu e traballou entre o Brasil e Galicia. A súa obra de marcado carácter conceptual agora poderá ser visitada en tres mostras localizadas en tres cidades distintas da península: Huesca, Pontevedra e Vigo. Nese orden ábrense ao público as mostras “Arte e Natureza”, “En plenas facultades” e “Eidos da imaxe. Grafías dos feitos e do pensamento”.

As novas normativas laborais agochan riviravoltas moitas veces difíciles de comprender e prever as súas consecuencias para os traballadores. As liquidacións de horas, dereitos e achegas sociais para os que asinan modalidades de contratos con ETTS, contratos a tempos parciais, etc comprendidas no marco da reforma laboral serán obxecto dunha xornada formativa a cargo de Xaime Cabeza Pereiro, catedrático de Traballo e Seguridade Social da Universidade de Vigo o vindeiro sábado 24 de maio no VERBUM (Avda. Samil, 17) de Vigo.

Dende este luns 19 ata o vindeiro xoves 29 de maio a Feira Mercado Laboral Virtual achega nun entorno 3D a posibilidade de presentar currículums ou acceder directamente a ofertas de traballo de máis de 40 empresas. Preto de medio centenar de compañías e varias institucións, entre as que se atopa o Instituto de la Juvetud (Injuve) , están detrás desta iniciativa que por primeira vez celébrase no Estado español.

Encargado de videoclub, operador de liñas de montaxe, axente de viaxes, caixeiro de supermercado , empregado de tendas de fotografía, carteiros, operadores telefónicos, taxistas, oficinistas e xestores de redes sociais, atópanse no "top 10" dos empregos en vías de extinción por mor das novas tecnoloxías. Se o seu traballo figura na lista, quizais sexa o momento de reformular o seu futuro laboral.
Así o asegura un informe de Ciphr, empresa que leva desde 1982 proporcionando soporte tecnolóxico a firmas mundialmente coñecidas como Volkswagen ou Asos. No mesmo, recompilou os empregos que se atopan hoxe en día a piques de caer no esquecemento.

"Ando na procura de todos os rapaces que estamos nesta foto." Esta foi a mensaxe lanzada por Xaquín Gómez, un dos rapaces que aparece na foto. O obxetivo, reunirse 43 anos despois para facer a mesma foto no mesmo lugar, a antiga escola pública de Nigrán, un edificio que ainda segue en pé no barrio de Vilameán pero sobre o que cerne a piqueta do derrubo por parte do concello.