O cartel do festival Berra Baiona! empezou a rular nas redes. Salientan nomes coma a banda neoiorquina The Toasters, os madrileños Super Skunk , así como Zamaramandi, Terbutalina e Ganjahr family and West Rockers Band. Rock, funk, reggae, e a forza da percusión do Bloquinho de samba Aperta aseguran calidade e moita festa. A posta en escena será o venres 29 de agosto en Baiona. VM.info falou con Andrés Bonader, presidente da Asociación Cultural e Deportiva Berra Val Miñor, quen adianta todos os detalles do festival.
Chega o “Berra” máis internacional.
Relatorio sobre a crítica satírica da monarquía no século XIX, na Capitanía de Baiona.
A historia da prensa satírica vai moi ligada ao propio desenvolvemento do xornalismo desde as súas orixes coas gacetas dos séculos XVI e XVII. Mais será no XIX cas sátiras ilustradas medrarán en cantidade e calidade co seu pulo maior no último terzo da centuria. Os obxectivos das críticas eran múltiples e segundo a ideoloxía ou intereses da publicación eran tratados sen piedade, nalgúns casos con escenas que hoxe en día provocarían grande impacto. Nomeadamente a crítica satírica que sufriu a monarquía no século XIX será o centro do faladoiro que abrirá este xoves ás 20:30 horas o 4º Ciclo de Conferencias na Capitanía Marítima de Baiona.
Arte e literatura conxúganse na apertura das exposicións da Capitanía Marítima de Baiona.
O pintor e escritor Gerardo Collazo Vilar e o escultor Santiago Vaz Varela abrirán este ano o ciclo de exposicións que acollerá a Capitanía Marítima de Baiona. Cada ano, nos meses de xullo e agosto, este espazo tínguese coas cores dos centos de artistas que pasan pola sala. As obras de ambos autores estarán expostas desde este mércores 2 ata o día 15 de xullo. Ademais, o venres día 11, Gerardo Collazo Vilar presentará a súa novela El Amanecer de los Justos. Primera parte: Humanidad en este mesmo espazo, ás 20:30, de volta de asinar exemplares na Feira do Libro de Madrid o pasado xoves día 12 de xuño.
Os comercios de Vigo terán liberdade case total de horarios
A Secretaría de Estado de Comercio incluirá á capital olívica entre as 14 cidades que proximamente serán declaradas "zona de gran afluencia turística", polo que os comercios poderán saltarse a maioría das limitacións horarias vixentes noutros lugares.
The Riggos, Balu Sebula, Red Vintage e Grupo Millo en concerto no III TorreiroRock de Priegue.
Priegue bota a andar o III TorreiroRock que este ano presenta unha basta axenda cultural. Ademais dos concertos musicais, terá lugar unha feira artesán, espectáculos de teatro infantil, obradoiros, andainas, exhibicións caninas e un Cineforum que pechará a movida. O TorreiroRock desenvolverase os días sábado 5 e domingo 6 de xullo no Torreiro de Priegue.
O IEM organiza unha Xeira pola Serra da Groba: Da Cruz de Pao ata A Chan do Cereixo
O Instituto de Estudos Miñoranos (IEM), organiza este mércores 2 de xullo unha visita guiada Da Cruz de Pao ata A Chan do Cereixo, na Serra da Groba. A mesma é de carácter aberto a todo público e terá como punto de partida a Aula de Cultura Ponte de Rosas, na Avenida da Feira Nº10, Gondomar. Dende alí partirá un autobús que levará aos participantes -cun custe de 5 euros-, ata a Groba e finalizado o percorrido os trasladará novamente a Gondomar. Para maior goce da visita, o IEM disporá tres guías: o arqueólogo Xosé Lois Vilar, a profesora Pura González e o botánico Xosé Ramón García.
A Xunta Xeral de accionistas de Tranvías de Vigo decide por unanimidade rexeitar a ampliación de capital.
O pasado xoves 26 de Xuño celebrouse, en segunda convocatoria coa asistencia do 51% do capital social, a Xunta Xeral Ordinaria de accionistas de Tranvías Eléctricos de Vigo, S.A. O punto central da xunta era unha proposta do Consello de Administración para aumentar o capital de nove millóns de euros sobre o actual, que é dun millón.
O IEM presenta o calendario das Xeiras 2014 con 11 rutas por mar e terra para gozar do Val Miñor
Como xa é tradicional no verán o Instituto de Estudos Miñoranos (IEM) organiza unha serie de visitas-guiadas ou Xeiras a distintos lugares de especial interese histórico, artístico, natural e paisaxístico do Val de Miñor e a súa contorna, dirixidos por especialistas no tema da visita. Para esta edición 2014 preséntanse once percorridos dos cales catro deles serán en barco.
| File |
|---|
 Calendario das Xeiras do IEM 2014 |
Gondomar pon a disposición liñas de axuda para persoas e familias con dificultades económicas.
Segundo deu a coñecer o Concello de Gondomar, estas axudas están dirixidas a persoas individuais ou unidades familiares que carezan de medios e nas que concorran factores de risco. Poden ser aplicadas aos gastos orixinados polas necesidades básicas, con carácter xeral aloxamento como poden ser os alimentos. Tamén axudas de uso e mantemento de vivenda: gastos de subministros (electricidade, auga, gas), ou de alugamento.
JPAGE_CURRENT_OF_TOTAL
