O Xornal do Val Miñor. Baiona, Nigrán, Gondomar

O Concello de Nigrán pecha o exercicio 2013 cun remanente de tesourería positivo de case 2 millóns de euros. Cae a débeda pública municipal en máis de 3.5 millóns. Sen embargo o orzamento proxectado para o 2014 de case 13 millóns só prevé un 2,5% destinado a educación, emprego e gasto social.

Os novos orzamentos pendentes de aprobación contemplan un incrementos de impostos e taxas.

A Agrupación Musical de Vincios selecciona unha persoa para desenvolver as direccións da Banda e a Escola de Música. Así mesmos deberá encargarse das clases de Linguaxe Musical e as especialidades instrumentais que domine. O perfil buscado é a dunha persoa co grao profesional ou grao superior de Música e con carácter de traballador autónomo. Os interesados deben comunicarse ao correo Este enderezo de correo-e está a ser protexido de robots spamers, precisas activar o JavaScript para velo . O prazo remata o vindeiro 30 de xuño.

Baiona procura a contratación temporal dun Técnico en Turismo para a que abre un período de admisión de solicitudes. A mesma vence o vindeiro 27 de maio. As bases da oferta e a documentación necesaria deben solicitarse na casa consistorial, na rúa Lorenzo Carrera, 17. Tamén está a disposición o teléfono 986385050.

Este venres 23 de maio ás 20:30 horas terá lugar a estrea da curta documental AUGA, TERRA, AIRE... (A BOLSA), dirixida por Pablo Casal e realizada por Ollomol Audiovisual. O acto contará coa presenza de Pablo Banga (fotografía e edición) e Pablo Casal (guión e dirección) e será presentado por Pedro Telmo Rodríguez, publicista e director do Valminor.info.

Unha acampada entre libros pode soar raro. Non é así para os cativos de Gondomar que por sétimo ano consecutivo pasarán unha noite nela, iso si, moi ben acompañados. Ademais dos xogos e aventuras que proporán os dinamizadores da Asociación Espazo Lectura, o mago Carlos Coira lavaraos ao mundo máxico co seu espectáculo Abrapalabra! Este ano serán máis de 30 os nenos que cos seus pixamas e sacos de durmir se farán este sábado do primeiro andar da Casa da Cultura a partir das dez da noite. O domingo pola mañá, espertarán con xogos poéticos e tras almorzar volver cos seus pais. A Noite na Biblioteca forma parte do programa a prol do fomento da lectura que ao longo do ano desenvolve a Asociación Espazo Lectura, neste caso coa colaboración do Concello de Gondomar.

-O festival que se celebrará os próximos días 17, 18 e 19 de xullo en Porto do Molle suma nomes como Vetusta Morla ou Love of Lesbian ao cartel da súa terceira edición.

-En 2013, xerou máis de 500 empregos directos e indirectos, ademais de contratar a 18 desempregados de Nigrán a través da bolsa de emprego municipal, lembra o alcalde Alberto Valverde.

-Os máis de 19.000 visitantes que rexistrou en 2013 sitúano como un dos eventos con maior transcendencia para a actividade económica local, dinamizando a hostalaría, a restauración e o comercio de Nigrán, sinalan dende a alcaldía.

A produtora Vaca Films está na procura de crianzas de entre 9 e 10 anos así como mozas e mozos de 13 a 15 para o rodaxe da película "El desconocido" que protagonizará o lugués, Luís Tosar. As probas terán lugar en Vigo os días venres 23 e sábado 24 de maio, na rúa Cánovas del Castillo, 3, na Estación Marítima da Ría (local 2). O día venres no horario de 16:30 a 20:30 horas. O día sábado de 10:30 a 14:30 e de 16 a 20 horas.

O futuro do futuro económico do Concello de Nigrán aínda é incerto.

A proposta orzamentaria para 2014 que por un total de 12.808.767,52€  levou o goberno de Nigrán (PP) á comisión especial de contas acadou a abstención dos representantes do PSOE e o voto contrario do edil de UCN quen ocupou o lugar do grupo mixto. A pesar de que formalmente a mesma quedou aprobada, será o pleno da corporación quen tomará a decisión final. Instancia na que os populares non teñen maioría absoluta e deberán obter algún apoio extra ou que algún dos opositores se absteña.