O Xornal do Val Miñor. Baiona, Nigrán, Gondomar

O domingo 18, a partir das 11:15 seis grupos folclóricos cun total de 120 participantes percorrerán as rúas Eduardo Iglesias, Elduayen e Avda. Conde de Gondomar ata a praza do Concello, onde terá lugar a presentación da XXII edición do Festival Folclórico Facendo Amigos, que por vez primeira ten lugar no casco urbano de Gondomar. Acto seguido as agrupacións concentraranse nas rúas Ánimas, Praza do Centro de de Saúde e Rosalía de Castro para actuar nos tres escenarios ó mesmo tempo.

O goberno municipal inaugurou hoxe a I Exposición de Libros Escolares Antigos coa que celebra o Día das Letras Galegas, unha mostra composta por máis de 300 exemplares orixinais dos anos 20, 30, 40, 50 e 60 do século XX, cortesía un ano máis do bibliófilo Francisco Vidal.

O Centro Cultural A Merced, de Chaín ven de organizar unha serie de eventos para a fin de semana, con motivo da celebración das letras galegas.

O sábado 17 de maio, as 9 da noite, no auditorio do Centro Cultural de Chaín o grupo Aloia teatro (de Tui) representará a obra " A idade do pavosaurio".

Entrada de balde ata completar aforo.

A partir das 18 horas do sábado 17 de maio a AA de VV de San Martiño de Borreiros porá en escena un espectáculo artístico no marco dos festexos do Día das Letras. O acto contará coa participación da Coral Polifónica Santa Eulalia de Donas, o grupo de gaitas e as pandereteiras Do Sobreiro. A organización convida a participar dun intercambio literario entre os asistentes : "Trae o teu libro e leva outro".

En 1986 percorrer os 80 quilómetros que separan O Porriño de Ourense supoñía máis dunha hora e media de curvas. Aquel ano Galicia entrou na entón Comunidade Económica Europea (CEE) e comezou unha chuvia de millóns que permitiu rematar en 1999 a Autovía dás Rías Baixas e reducir a viaxe a 45 minutos. Ese mesmo 1999, o Concello do Porriño comezou os trámites para construír un centro de interpretación do espazo protexido das Gándaras de Budiño. O edificio inaugurouse en 2002 tras gastar nel 420.000 euros, 300.000 deles de fondos europeos, pero nunca se usou. O pasado decembro a súa ruinosa estrutura veuse abaixo e matou un parado de 36 anos que recollía ferralla.

Cambiar os billetes pode sair caro. Comerciantes de Gondomar ALERTAN da presenza de dúas persoas con acento do sur, que estarían perpetuando o coñecido como "timo do cambio".

O vindeiro xoves 15 de maio ás 20:30 horas presentarase o libro A voz quebrada. Da Memoria histórica e o terror fascista, na Aula de Cultura Ponte de Rosas (Avda. da Feira, 10, baixo, Gondomar). A obra editada dentro da colección Letras da Groba, será presentada polo seu autor, Xosé María Álvarez Cáccamo e contará cunha intervención do historiador Carlos Méixome, director do IEM.

Itínere, o grupo que controla a AP9 e as autoestradas Vigo-Baiona e A Coruña-Carballo a través da filial Ena Infraestruturas S.A. está en venda. Os accionistas da compañía chegaron a un acordo para desprenderse de forma conxunta do 100% do capital. Sacyr, Kutxabank, Liberbank e NCG Banco, socios minoritarios da empresa, convenceron ao fondo de infraestructuras de Citi (accionista de control a través dun vehículo que domina o 54% da empresa) para lanzar unha operación valorada nuns 1.300 millóns de euros (4.000 millóns, si inclúese a débeda do grupo), segundo da conta o xornal especializado Expansión.com. A operación afecta directamente os dereitos de explotación da principal autopista que vertebra o litoral galego.