O Xornal do Val Miñor. Baiona, Nigrán, Gondomar

Tras catro días de convivencia e troco, os participantes da segunda edición do Festival de Teatro Ponte... Na Escena, pecharon durante a fin de semana varios acordos de colaboración para levar montaxes e artistas galegos a participar nos circuítos de Brasil, Portugal e Francia; ao tempo que en Galicia se abre para estes países un circuíto no que representar as súas montaxes. Quedou así establecida unha rede de intercambio entre as compañías que participaron nesta segunda edición do festival, cuxos membros se mostraron ilusionados pola existencia desta nova plataforma de troco cultural; e agradecidos pola acollida que se lles brindou desde a Asociación Ponte...Nas Ondas, o Concello de Gondomar e a Casa Colorida de Nigrán, onde estableceron a súa residencia artística.

Na súa última xornada o festival recibirá aos franceses Goudu Theatre e á compañía brasileira Por volta de Logo e Depois, coa aclamadísima peza “María sou eu” da arredor da ditadura en Brasil

A última xornada do Festival Internacional de Teatro Ponte… Na Escena comezará este domingo ás 12.00 horas cunha representación dirixida ao público infantil.

Os compañeiros de Gondomar TV entrevistan a Santiago Veloso, presidente da asociación cultural e pedagóxica Ponte...nas Ondas!  que conxuntamente con Limiar Teatro, a concellería de Cultura de Gondomar, Fafe Cidade das Artes e rede Fora do Eixo Brasil, organizaron o segundo festival Internacional de teatro Ponte na...escena.

A compañía Bocaccione enganchou cunha proposta moi contemporánea a un público sorprendido e entregado ao disfrute do sotaque brasileiro.

Un Foro Aberto do teatro, Qualquer coisa a gente inventa, ZÉ DO PITO O MATA 7, AMNÉSIS e a cantante JU son as propostas para esta xornada

O concello acollerá dous eventos relacionados co mundo do motor, a IV Xuntanza Moteira "A vinte uñas" e a VIII Concentración de Vehículos Clásicos do Val Miñor.
Fin de semana do motor
O mundo do motor será un fin de semana máis o protagonista da axenda de lecer municipal, coa celebración de dous grandes eventos para os afeccionados ás motos e aos coches clásicos. A asociación "A 20 uñas" celebra o sábado a IV Xuntanza Moteira Concello de Nigrán, organizada tamén coa colaboración da Asociación Cultural das Angustias.
A xornada, aberta a todos aquel que queira participar, comezará ás 10.30 horas no Torreiro de Festa das Angustias, e prolongarase ao longo de todo o día. Realizaranse dúas rutas, unha de mañá e outra de tarde, e ofrecerase ao público asistente unha exhibición de minimotos coa firma da Escola Jorge Lorenzo, de Pontevedra, así como churrasco para xantar e un concerto pola noite.

A Concellaría de Educación de Gondomar  abre o prazo de preinscrición cara ás probas de acceso do conservatorio de música. A idade establecida é de  8 e 14 anos e se ofertarán estudos oficiais de guitarra, piano, violín, viola, clarinete ou saxofón. O prazo para a preinscrición vai do día 10 de maio ao 11 de xuño do 2014. Mais información no 986.389.283 ( en horario de tarde) ou no 986.369.746 (en horario de mañá).

-Ofrecerá un espectáculo dirixido ao público infantil,  no Auditorio Lois Tobío ás 12.00 horas; e outro destinado aos adultos, ás 22.30 horas

O II Festival Internacional de Teatro Ponte… na Escena continúa coa súa programación. Nesta ocasión será a compañía teatral Bocaccione, de  Ribeirao Preto (São Paulo), a encargada de amenizar a xornada de mañá venres. A compañía brasileira ofrecerá un espectáculo dirixido ao público infantil e outro destinado aos adultos.

O vindeiro venres 9 de maio ás 20:30 horas, terá lugar nunha nova TERTULIA do IEM, nesta ocasión coa participación do enxeñeiro Fernando Aguado Agelet, coordinador do Proxecto aeroespacial  Xatcobeo. No faladoiro que pechará o ciclo 2013-2014 das TERTULIAS, Aguado compartirá a súa experiencia ao fronte deste traballo desenvolvido pola Universidade de Vigo en colaboración co Instituto Nacional de Técnica Aeroespacial e o apoio da empresa pública galega Retegal. A presentación da TERTULIA estará a cargo do profesor Xosé Antonio Vilán Vilán. O acto terá lugar na Aula de Cultura Ponte de Rosas (Avda. da Feira, 10 baixo, Gondomar).