A Asociación A Groba confirma a celebración do Día Munidal do Medio Ambiente para os días venres 13 e sábado 14 na Praza Escolas Vellas diante do Centro de Saúde de Gondomar. Terán lugar pases de filmes que abordan diversos aspectos das problemáticas ecolóxicas e ambientais no país e no planeta. Todos darán comezo ás 22 horas.
A Asamblea Xeral das Nacións Unidas, en 1972 estableceu a celebración do Día Mundial do Medio Ambiente. Esta celebración é un vehículo que utiliza as Nacións Unidas para fomentar a sensibilización mundial sobre o medio ambiente e promover a atención e acción política.
A Asociación A Groba quere celebrar esta data cun ciclo de cine o aire libre, coa proxección de dous documentais e unha película. Asolagados e A súa maxestade a saqueta de plástico. Unha aproximación a situacións diversas que resultan despois de anos de avance, aplicación de tecnoloxía ou a trazo que deixan os humanos no medio. Tamén será proxectado o filme, A terra prometida sobre a actualidade do fracking nos EE.UU.
Con estas actividades, A Groba quere poñer en valor o Medio Ambiente, "respectalo, coidalo é unha tarefa a realizar cada día. Todos queremos un futuro próspero e seguro, sen ningunha dúbida ese futuro pasa polo respecto o Medio Ambiente, para a celebración deste ano: parada e reflexión".
Programa:
Día 13, venres ás 22 horas, Praza Escolas Vellas (diante do Centro de Saúde)
Asolagados: coa auga ao pescozo . Historia do encoro de Belesar
A maxestuosa bolsa de plástico
Día 14, sábado ás 22 horas, mesmo lugar
A Terra prometida (Director: Gus Van Sant )
