Deu comezo o ciclo "Gondomar traballa polo emprego".
A concellería de Formación e Emprego do concello de Gondomar celebrou a primeira das catro sesións informativas de busca de emprego. Esta primeira xornada, na que se abordou a "Marca persoal", foi impartida por Alberte Cea, orientador laboral do Concello de Vigo e traballador cunha ampla experiencia no mercado laboral e nos recursos humanos.
Programa do ciclo "Gondomar traballa polo emprego".
Xoves, día 22 ás 10:30 h. abordarase o tema da importancia das habilidades na entrevista de traballo.
O día 27 ás 16:30h. falarase do emprego 2.0: a busca de emprego a través de internet e as redes sociais e finalmente,
O día 29 ás 9:30h. terá lugar a última sesión na que se tratará o mercado laboral e os recursos dispoñibles en materia de emprego.
Na execución destas sesións colaboran expertos profesionais no eido do emprego e a orientación laboral que tentarán expoñer contidos prácticos, dinámicos e actuais na busca activa de traballo.
As persoas interesadas en participar poden inscribirse cubrindo unha ficha no CDL de Gondomar Avda. do Conde s/n ou no tlf. 986 384 020.
