A concellería de Formación e Emprego do concello de Gondomar organiza na vindeira quincena do presente mes de novembro, catro sesións informativas de busca de emprego.
Baixo o título de: "Gondomar traballa polo emprego" van a desenvolverse no centro neural do concello de Gondomar e durante o mes de novembro, catro sesións de traballo onde se tratarán diversos aspectos clave para a mellora da empregabilidade das persoas desempregadas.
A primeira sesión terá lugar o día 20, ás 16:30 h., e tratarase o tema do desenvolvemento persoal: a marca persoal.
O día 22 ás 10:30 h. abordarase o tema da importancia das habilidades na entrevista de traballo.
O día 27 ás 16:30h. falarase do emprego 2.0: a busca de emprego a través de internet e as redes sociais e finalmente,
O día 29 ás 9:30h. terá lugar a última sesión na que se tratará o mercado laboral e os recursos dispoñibles en materia de emprego.
Na execución destas sesións colaboran expertos profesionais no eido do emprego e a orientación laboral que tentarán expoñer contidos prácticos, dinámicos e actuais na busca activa de traballo.
Con esta iniciativa a Concellería de Formación e Emprego do concello de Gondomar, dirixida pola centrista Natalia Salgueiro, "pretende facilitar as persoas desempregadas a dura tarefa da busca de emprego achegándolle a actualidade máis recente en materia de modalidade e recursos cara o emprego".
As persoas interesadas en participar deberán inscribirse cubrindo unha ficha no CDL de Gondomar Avda. do Conde s/n ou no tlf. 986 384 020.
