O concelleiro Manuel Gómez rexeitou a utilización de funcionarios municipais para limpar as canles e marxes dos ríos Zamáns e Miñor, anunciada na pasada xornada polo Concello de Gondomar. O titular da independente Iniciativa por Gondomar (IXG), lamentou que "dende o goberno bipartito escóndanse as evidentes carencias de xestión" do actual equipo do alcalde Fernando Guitián, e que se dediquen "medios humanos e materiais a labores impropios do labor de funcionarios municipais", cando segundo IXG, no Concello existe un proxecto redactado por Augas de Galicia "por importe de máis de dous millóns de euros, pendente de adxudicación , que resolvería de forma definitiva o problema das inundacións no casco de Gondomar".

Un grupo de operarios do Concello de Gondomar limpan a canle e as marxes dos ríos Zamáns e Miñor ao seu paso polas pontes situadas no centro urbano. As labores de limpeza son unha medida preventiva co fin de evitar inundacións de cara á tempada de choivas, anunciou o Concello. A administración informou que os traballos teñen os permisos preceptivos de Augas de Galicia e da Consellería de Medio Ambiente, Territorio e Infraestruturas. Durante o desenvolvemento dos labores de limpeza, realizadas durante dous días, os operarios recolleron máis de 90 sacos de lixo e conseguiron un resultado satisfactorio, anuncia o comunicado emitido polo goberno municipal.

Foi aprobada pola Xunta de Galicia a instalación dunha liña de alta tensión entre os concellos de Gondomar e O Rosal. A mesma terá por obxectivo a mellora do subministro eléctrico nos concellos do Baixo Miño e o Val Miñor. Esta liña "supón superar unha situación deficitaria das sub estacións de Gondomar, Tui e O Rosal" afirmou ou presidente do goberno autonómico Alberto Núñez Feijoo. O mandatario sinalou que a prol da súa consecución a Xunta investirá 3 millóns de euros.

.O Concello de Gondomar contrata 5 novos auxiliares da Policía Local por 4 meses.

.O concelleiro de Seguridade e Tráfico Eladio Costas anuncia que para 2012 Gondomar pasará de 8 a 11 policías locais fixos.

O BNG Gondomar presentou por rexistro municipal unha moción para que o Concello apoie as demandas de seguridade peonil e de circulación na carreteira PO 341, que une as parroquias de Vincios e Couso . A Xunta de Galicia dende hai varios meses está a traballar en distintos puntos desta. Nembargante, unha marcha de veciños das parroquias de Vincios, Chaín, Morgadáns, Peitieiros e Couso, convocou cerca de 300 persoas o pasado domingo, reclamando unha beirarrúa peonil, e melloras na seguridade xeral para os usuarios.

O anuncio fíxoo o presidente da Xunta de Galicia, Alberto Núñez Feijoo, no marco do informe respecto da situación da seca "en Galicia e previsión cara o verán" da Consellaría de Medio Ambiente , Territorio e Infraestruturas na reunión mantida polo Consello da Xunta, este xoves 21 en San Caetano. O presidente do executivo galego comunicou tamén que será comunicado o "estado de seca oficial" a todos os concellos de Galicia - Costa. Alberto Núñez Feijóo, sinalou que o descenso no caudal dos encoros galegos a niveis máis baixos dos habituais para esta época non é "preocupante" desde o punto de vista do abastecemento, pero si desde o punto de vista "do campo e da recolección".

A sala do Civil e o Penal do Tribunal Superior de Xustiza de Galicia (TSXG) desestimou o recurso de apelación interposto polo ex concelleiro de Urbanismo do PP en Gondomar, Alejandro Gómez Garrido, e ratificou a condena imposta no seu día pola Audiencia Provincial -tras a celebración dun xuízo con xurado-, que lle impuxo unha multa de 540.000 euros e tres anos de suspensión para exercer cargo municipal por tres delitos de suborno.

Posteriormente, a delegada territorial da Xunta trasladouse ata o Concello de Gondomar para manter un primeiro encontro institucional co rexedor, Fernando Guitián, tras a formalización da nova Corporación municipal.

Comprobaron as obras de reparación da cuberta do CEIP Chano Piñeiro, no que a Xunta de Galicia investiu en total máis de 1 millón de euros na reforma e ampliación do centro.