O Concello de Gondomar limpa os cauces dos ríos Zamáns e Miñor
Un grupo de operarios do Concello de Gondomar limpan a canle e as marxes dos ríos Zamáns e Miñor ao seu paso polas pontes situadas no centro urbano. As labores de limpeza son unha medida preventiva co fin de evitar inundacións de cara á tempada de choivas, anunciou o Concello. A administración informou que os traballos teñen os permisos preceptivos de Augas de Galicia e da Consellería de Medio Ambiente, Territorio e Infraestruturas. Durante o desenvolvemento dos labores de limpeza, realizadas durante dous días, os operarios recolleron máis de 90 sacos de lixo e conseguiron un resultado satisfactorio, anuncia o comunicado emitido polo goberno municipal.
Tanto o alcalde, Fernando Guitián, como os concelleiros de servizos e medio ambiente, Juan Carlos González; e o de vías e obras, Jesús Salgueiro, fixeron un chamamento "ao civismo" para manter as marxes dos ríos limpos como unha zona de recreo para o goce de todos os veciños. Tamén queren recordar aos gondomareños a existencia do servizo de recollida de aveños para o seu traslado ao momento limpo, onde se tratan e reciclan, que oferta o Concello de forma gratuíta.
