O Concello de Nigrán rematou o proxecto de abastecemento e saneamento de augas que afectou maioritariamente á parroquia de Chandebrito e que achega a cobertura a máis do 90% dos veciños da zona. As obras tamén cobren as rúas Roteas e do Río en Camos, e a Rúa Areosa na parroquia de San Pedro da Ramallosa. O proxecto implicou un investimento de 660.808,58 euros que foron financiados pola Xunta de Galicia.

O BNG de Nigrán acusa ao PSOE de “non querer molestar os intereses urbanísticos dos populares de Santiago” e dar un “cheque en branco” ao PP de Nigrán para que pague as débedas que deixou cando gobernou o municipio, todo a cambio dunha présa pola aprobación inicial do PXOM. Os nacionalistas reafirmaron que son unha alternativa necesaria e imprescindible de cara ás elección de 2011, nun concello onde os grupos maioritarios pactan a prol de “intereses escuros”.

Sobre as 19 horas do sábado a asemblea do PSOE Nigrán aprobou por aclamación ao 1º Tenente de Alcalde Juan González Pérez como candidato dos socialistas de cara ás eleccións municipais de maio de 2011. Pola noite os socialistas encheron as instalacións do Hotel Queimada de Nigrán para celebrar a tradicional cea do Nadal.

Medio millar de persoas acompañaron a Alberto Valverde no Hotel Miramar na súa proclamación oficial como candidato á alcadía de Nigrán. Na mesma Valverde comprometeuse a confeccionar unha lista de concelleiros “que saiban o que hay que facer” e “estén capacitados para xestionar un municipio nun momento económico difícil”. Rematou o discurso subliñando que nestos catro anos que van dende as últimas eleccións ata de agora o contexto político e social cambiou e que si os militantes o acompañan o PP volverá a gobernar Nigrán.