O Xornal do Val Miñor. Baiona, Nigrán, Gondomar

Martes, 29 Apr. 2025

Actualizado10:50:26 PM GMT

Publica o teu anuncio aquí

Nigran - Noticias de Nigrán e Val Miñor

Cristina Fernández non asumirá como edil do BNG en Nigrán. Xabier Rodríguez ocupará a praza.

Mércores, 01 Xuño 2011 13:43 Redaccion @valminorinfo

Xabier Rodríguez e Cristina Fernández anunciaron a renuncia desta á praza de concelleira do BNG Nigrán.

Cristina Fernández non asumirá a súa praza de concelleira en Nigrán por mor dunha situación familiar que require a súa dedicación absoluta.

Xabier Rodríguez, número dous do BNG de Nigrán ocupará a praza de concelleiro que correspondeu aos nacionalistas na nova corporación municipal.

O Concello de Nigrán organiza o Campamento de Verán 2011.

Martes, 31 Maio 2011 20:07 Redaccion @valminorinfo

cartel_campamento_urbano1 O Concello de Nigrán organiza os campamentos de verán para nenos e nenas con idades comprendidas entre 5 e 12 anos, ambos inclusive, empadroados no concello de Nigrán. O número de prazas é para 75 rapaces. O campamento desenvolverase do 1 ao 31 de xullo, de luns a venres, en horario de 09.00h a 14:00h. O día 25 de xullo non haberá campamento por ser día festivo na Comunidade Autónoma. O campamento desenvolverase nas instalacións do C.P.I. de Mallón, rúa Manuel Lemos, 81, San Pedro da Ramallosa, Nigrán; con excepción das diferentes visitas que se realizarán a distintos puntos do concello. O Concello de Nigrán subvenciona este campamento con 2.300€.

Amosan os nomes dos primeiros catro concelleiros do futuro goberno de Nigrán.

Sábado, 28 Maio 2011 16:06 Alvaro Peralta

Alberto Valverde e a futura concelleira de cultura Liliana Silva falan con Carlos Méxiome (IEM)

.O goberno electo de Nigrán amosa aos responsables das concellerías de seguridade, urbanismo, turismo, cultura, deportes e vías e obras do concello.

.Seguridade será asumido persoalmente polo futuro alcalde Alberto Valverde por razoes de "importancia" do tema.

O PP de Nigrán cualifica de antidemocrática a actitude do candidato de UPyD ante o resultado electoral.

Sábado, 28 Maio 2011 11:42 Alvaro Peralta

O alcalde electo de Nigrán Alberto Valverde (PP).

Alberto Valverde acusa a Jorge Soto Sanromán de actuar movido polo resentimento ante o trompazo electoral do seu partido. O futuro alcalde de Nigrán asegura que a única intención de Sanromán foi a de querer sementar a desconfianza entre os veciños e veciñas de Nigrán, e acúsalle de actuar de mala fe.

A xuíz da Xunta Electoral Central confirma a maioría absoluta do PP en Nigrán e UPyD desiste de recorrer o escrutinio.

Venres, 27 Maio 2011 20:19 A.P,

A noite do 22 de maio os populares festexaron a súa maioría absoluta, hoxe confirmada.

UPyD acepta a resolución da Xunta Electoral Central na que deixa sen representación a ese partido en Nigrán e rexeita interpor recurso. A xuíz da causa determinou que a diferenza constatada nunha acta da parroquia de Panxón, na que 183 votos do PP estaban colocados nas casillas da UPyD, perteñecían efectivamente aos populares. A decisión acaba de facerse pública a través do Delegado Local de UPyD-Nigrán, Jorge Soto Sanromán, nun comunicado de prensa. No escrito afírmase que UPyD "en ningún momento quiso apropiarse de ningún voto que no le correspondiese, sino que, de acuerdo con las actas que obran en su poder, estas arrojaban un resultado distinto al que se publicaba en los distintos medios".