O equipo redactor do Plan Xeral de Ordenamento Municipal de Nigrán entregou na mañá deste xoves 19 de maio, un borrador do Documento para Aprobación Inicial do PXOM aos técnicos do Concello. Do mesmo xeito entregou para estudo técnico antes da remisión á Xunta de Galicia o borrador para a Modificación das Normas Subsidiarias para o ámbito da parroquia de Chandebrito. A existencia do borrador coñeceuse sobre as 18 horas a través dun comunicado do PP de Nigrán, onde se acusaba ao goberno municipal de non dar aviso aos populares e aos veciños para "apuntarse un tanto de cara a la cita del próximo domingo, un tanto que no les pertenece”, pois segundo o concelleiro Alberto Valverde " de no haber sido por el trabajo del PP de Nigrán la aprobación del PGOM estaría en un estado aún embrionario". Pola súa banda, o concelleiro Juan González (PSOE) negou calquera intención de ocultarllo e lamentou que Valverde rompera o compromiso de non incluír o PXOM na campaña electoral.

Comeza a retirada de pancartas socialistas no concello de Nigrán. O comité de campaña do PSOE tomou a decisión unha vez coñecidas as causas do accidente desta mañá na Xunqueira, ao que sumouse o informe de pancartas "cortadas ata en catro cachos e tiradas no chan" nas parroquias de Camos, San Pedro e Panxón. Segundo informou a Valminor.info o concelleiro e candidato a alcalde do PSOE, Juan González, os servizos xurídicos do partido estudan os pasos a seguir e remitiron o primeiro informe á executiva provincial que é a que ofrece a cobertura da compañía de seguros que terá que ocuparse do accidente na Xunqueira. Por outra banda, a policía local de Nigrán ten en custodia e para súa investigación a pancarta que feriu esta mañá ao candidato de UPyD Oscar Soto. As feridas que nun principio non parecían maiores, revisten maior gravidade e Soto deberá permanecer internado en Povisa á espera de novos estudos médicos. Os socialistas sospeitan que trátase dun acto de sabotaxe que ten ao PSOE por obxectivo.

UPyD Nigrán suspende todos os seus  actos públicos previstos para hoxe xoves debido ao grave accidente de tráfico sufrido polo nº 2 da súa candidatura, Oscar Soto, acaecido na mañá de hoxe na Avenida Portugal á altura do Centro de Saúde A Xunqueira. O seu candidato Jorge Sanromán comunica  que o acto de peche de campaña previsto para mañá venres a las 21:30 horas en el hotel Miramar de Praia América, se mantén tal e como estaba previsto na súa axenda electoral.

Oscar Soto, número dous da candidatura de UPyD Nigrán estaba realizando traballos de reparto de publicidade electoral circulando cunha motocicleta cara á Ramallosa pola estrada que une con Gondomar. Á altura do Centro de Saúde da Xunqueira, atopouse cunha corda desprendida dunha pancarta publicitaria do PSOE Nigrán, colgando sobre a estrada, con tan mala fortuna que esta enganchouse no manillar da motocicleta provocando un grave accidente. O motorista perdeu o control do vehículo e golpeouse contra as vallas do centro de saúde. Tras unha primeira inspección no citado centro sanitario, Soto foi trasladado en ambulancia ao Centro Médico Povisa onde, unha vez realizadas as correspondentes probas, comprobouse que tiña rotas tres costelas, ademais de distintos hematomas, rozaduras e distintos golpes en pernas e brazos.