Achegamos o informe televisivo realizado pola colega Silvia Rueda para Via RTV da investidura do novo alcalde de Nigrán, o popular Alberto Valverde.

"Un alcalde aberto á xente", así definiuse Alberto Valverde, rexedor a partir de hoxe no concello de Nigrán. Nunha breve pero emotiva cerimonia de investidura, Valverde recibiu o apoio dos seus nove concelleiros do PP, e un xesto político da oposición, a cal non votou a outras alternativas e preferiu a abstención no momento do voto. Na mesma mañá da investidura, Valverde deu a coñecer a relación completa de concellerías cos seus respectivos responsables, na que se confirma a titularidade do médico Alberto García Pazos ao fronte de Economía, Facenda e Contratación.

A tramitación do Plan Xeral de Ordenamento Municipal pode deixar de ser materia consensuada entre socialistas e populares de Nigrán. Á interpelación formulada onte polo alcalde electo Alberto Valverde ao PSOE para confirmara se mantiña ou non o pacto sobre o PXOM, os socialistas responden que condicionan o seu consenso e traballo conxunto a unha "desculpa pública" por parte do PP. Os socialistas refiren ás denuncias formuladas por Valverde contra o goberno municipal 72 horas antes das eleccións municipais, nas que afirmaban que o PSOE agochaba un novo borrado do documento por "estrategia electoral".

O alcalde electo de Nigrán, Alberto Valverde interpelou aos socialistas a confirmar ou rexeitar as declaracións do actual alcalde Efrén Juanes onde da por roto o pacto de colaboración celebrado entre ambos partidos no pasado mes de decembro. O líder dos populares de Nigrán alega que o PSOE non fixo ningunha comunicación oficial sobre este punto e "exige a Juan González que aclare si suscribe las declaraciones vertidas por Juanes". O episodio ten orixe nunha controversia xurdida a 72 horas das eleccións municipais cando os populares acusaron publicamente ao goberno de agochar un borrador do PXOM con fins electorais.