Investidura de Alberto Valverde como alcalde de Nigrán
"Un alcalde aberto á xente", así definiuse Alberto Valverde, rexedor a partir de hoxe no concello de Nigrán. Nunha breve pero emotiva cerimonia de investidura, Valverde recibiu o apoio dos seus nove concelleiros do PP, e un xesto político da oposición, a cal non votou a outras alternativas e preferiu a abstención no momento do voto. Na mesma mañá da investidura, Valverde deu a coñecer a relación completa de concellerías cos seus respectivos responsables, na que se confirma a titularidade do médico Alberto García Pazos ao fronte de Economía, Facenda e Contratación.
Ao grito de “Alcalde”, “Alcalde”, Alberto Valverde foi recibido á saída do salón de plenos polos centos de persoas que encheron as instalacións do Concello de Nigrán. Previamente, o popular achegou unha mensaxe de apertura ao diálogo con todas as forzas políticas e sociais do municipio á hora de gobernar. Salientou o camiño andado en materias tan importante como urbanismo e sinalou a aprobación do Plan Xeral de Ordenación Municipal como unha das prioridades do seu mandato.
O novo equipo de goberno do Concello de Nigrán.
O novo equipo de goberno de Nigrán estará composto exclusivamente polos 9 concelleiros populares.
Alberto Valverde, Nigrán Licenciado en Ciencias Políticas e empregado de banca. Alcalde e responsable de Seguridade.
Ignacio Vilas González, Prigue, 61 anos, arquitecto técnico e enxeñeiro de edificación. Urbanismo
Alberto García Pazos, Parada, 50 anos, médico. Economía, Facenda e Contratación.
Liliana Silva Pequeno, Panxón, 30 anos, asesora en telecomunicacións.Turismo, Cultura e Deporte.
Ana Rosa Costas Abalde, Camos, 39 anos, empresaria. Educación e Persoal.
José Alvárez Valverde, San Pedro, 51 anos, empresario.Vías e Obras.
María del Carmen Alonso-Macías Jorreto, Priegue, 51 anos, farmacéutica. Benestar Social e Sanidade.
Rosa Rodríguez Rodríguez, Chandebrito, 29 anos, licenciada en empresariais.Promoción empresarial e Comercio.
María José Pino Fernández, Nigrán, 42 anos, ama de casa. Patrimonio, Igualdade e Xuventude.
Dim lights Embed Embed this video on your site
