Debido ao prognóstico de chuvias previsto para mañá sábado 1 de marzo, o Concello de Nigrán decidiu pospor a celebración do concurso de comparsas prevista para este sábado ás 17.00 horas na Avda. de Praia América ao próximo domingo, 9 de marzo.
Os horarios e a orde de saída das comparsas mantense, así como o resto da programación prevista para o Entroido 2014 en Nigrán, sendo o concurso de comparsas a única actividade posposta.

O concelleiro de Vías e Obras, Servizos Urbanos e Relacións cos Veciños, José Álvarez (PP), fixo pública a súa renuncia “voluntaria” a súa acta de concelleiro de Nigrán trala lectura dun comunicado no Salón de Plenos municipal. Acto que convocara durante a mañá adiantando que non respondería preguntas nin daría entrevistas á prensa.

-O ex concelleiro de Vías e Obras lerá un comunicado pero adianta que non aceptará preguntas nin entrevistas por parte da prensa. Unha hora despois de comunicar o cese de José Álvarez como membro de equipo de goberno de Nigrán, o Concello emite unha convocatoria aos medios onde sinala que "A petición del concejal de Vías y Obras, José Álvarez, se convoca una rueda de prensa prevista para las 16.00 horas del día de hoy en el Salón de Plenos municipal, en la que José Álvarez procederá a la lectura de un comunicado". A continuación engade que "Más allá de esa lectura, el concejal no responderá ninguna pregunta ni tampoco concederá ninguna entrevista a ningún medio de comunicación".

O seu cese chega despois de que o pasado venres tanto o alcalde de Nigrán Alberto Valverde como a dirección do PPdeG mantivesen a súa confianza no edil imputado, avalando esa confianza na revisión dos contratos públicos investigados pola xustiza "tramitados con total transparencia e normalidade" . A pesar desta declaración, reitera o seu «respecto á xustiza», aínda que reclamaba prudencia á hora de esixir dimisións para o concelleiro imputado.

-Alberto Valverde (PP), alcalde de Nigrán, remitiu este luns ás 11 horas un escrito aos medios no que comunica a súa decisión de "prescindir do concelleiro de Vías e Obras", José Álvarez Valverde, imputado na operación Patos.

-O comunicado feito público polo rexedor popular chega horas despois de que a prensa de hoxe fixese pública a inminente dimisión do edil José Álvarez citando a fontes de tanto do entorno do PPdeG como do concelleiro imputado na operación Patos.
Valverde sinala que trala celebración de varias reunións durante os últimos tres días, "e analizada tanto a situación pola que está atravesando o concelleiro, así como o seu estado anímico, o rexedor municipal fai pública mediante o presente comunicado a súa decisión de prescindir do concelleiro como membro do equipo de goberno. Neste sentido, o rexedor municipal aclara "que é unha decisión tomada única e exclusivamente en Nigrán, que se valorou e decidiuse aquí".