O edil Antonio Fernández Comesaña (UCN) rexeita as acusacións vertidas polo alcalde Alberto Valverde o pasado fin de semana, de ser causante e copartícipe en tres procedementos xudiciais entaboados contra o concello. Fernández sinala nun comunicado que a súa responsabilidade cando ocupaba o cargo de concelleiro de Servizos Urbanos e infraestruturas de Nigrán, só deu conformidade" a algunha das facturas reclamadas e que non foron pagadas no seu día".
Nigran - Noticias de Nigrán e Val Miñor
Valverde acusa a ex mandatarios de ser responsables dos gastos xurídicos que enfronta Nigrán.
O rexedor municipal sinala que “absolutamente todos e cada un dos gastos de relevancia xerados nesta partida” son por preitos orixinados en mandatos anteriores, “sendo o concelleiro de UCN, Antonio Fernández Comesaña, participante directo en polo menos tres de eles”, indica nun comunicado. Así Valverde responde ás acusacións do edil Antonio Fernández (UCN) sobre o excesivo gasto que en facturas de avogados enfronta o concello dende 2013. Cifra que segundo Fernández superan os 250 mil euros e que Valverde baixa a 201.125,84 euros. A todo isto o alcalde non descarta contemplar a viabilidade legal de iniciar procedementos de reintegro ás arcas municipais das contías gastadas polo concello “cara a aquelas persoas físicas relacionadas con algún destes procedementos, para que respondan co seu patrimonio, se procede”.
A oposición presenta un proxecto propio de orzamentos para Nigrán e rexeita o plan do goberno.
Por segunda vez o proxecto de orzamento presentado polo goberno en minoría de Nigrán quedaron rexeitados polo pleno. Sen embargo, unha enmenda ao mesmos elaborada pola UCN e consensuada co PSOE, BNG e o concelleiro non adscrito Ignacio Vilas podería dar solución ao tema. A iniciativa pasou a informe dos servizos económicos municipais os que deberán dar o seu veredicto antes da súa consideración final nun novo pleno.
Desaparecen as laxes gravadas con textos do escritor Carlos Casares do Paseo de Panxón.
Onde están as laxes gravadas cos textos de Carlos Casares? A pregunta está en boca dos veciños e visitantes que trala recente apertura do paseo marítimo de Panxón non logran atopalas. Espalladas no chan formaban un conxunto cultural co monólito que lembra a Casares no inicio do paseo. As pezas formaban parte dunha homenaxe do Concello de Nigrán ao senlleiro escritor e xornalista ourensán que residira por moitos anos en Vilariño e cuxos restos descansan dende 2002 no cemiterio de San Fiz. Nin a Xefatura Provincial de Costas que cambiou o pasado mes as antigas laxes do paseo por baldosas , nin o Concello de Nigrán deron ata de agora unha explicación pública do retiro e o destino final das mesmas.
Nigrán afronta 253 mil euros en facturas a avogados en 2013, un 290% máis do previsto.
As arcas municipais teñen que afrontar 253.650€ en concepto de pago de honorarios de avogados por mor dos diversos litixios que enfrontou o Concello de Nigrán no 2013. Este desembolso representa un incremento dun 290% do previsto inicialmente nos orzamentos para ese ano, que era de 65.000€. A maiores o portavoz de Unión Centrista de Nigrán (UCN), Antonio Fernández Comesaña, denuncia que o alcalde Alberto Valverde está “contratando a dedo”, aos profesionais que representan á administración, “xa que se está levando a cabo sen o correspondente expediente de contratación”.
JPAGE_CURRENT_OF_TOTAL
