![Emilio García Crego, Xosé Antón Araúxo e mais Milagres Chapela Emilio García Crego, Xosé Antón Araúxo e mais Milagres Chapela.](/images/resized/images/stories/gondomar/av/bng_gondomar/crego_arauxo_mila_300_200.jpg)
Un equipo integrado por profesionais, amas de casa, estudantes, obreiros, autónomos e tamén parados, provenientes das dez parroquias de Gondomar acompañará ao candidato nacionalista Xosé Antón Araúxo na tarefa de recuperar o goberno do concello de Gondomar. O BNG reitera o equipo de concelleiros que administrou o municipio entre 2007 e o 8 de xullo de 2009, “que agora repiten pola súa valía e compromiso demostrados.”, informa Pepe Valverde, responsable local da agrupación. Este núcleo de goberno queda reforzado coa incorporación de Emilio García Crego ex director de Caixanova en Gondomar durante catorce anos e, Milagres Chapela, especialista no mundo da administración de empresas e fundadora do colectivo de mulleres Arealoura.