Fernando Guitián siéntese satisfeito e ten a certeza que conseguiu formar “o mellor equipo” de cara ás eleccións. Unha lista de 25 candidatos aos que definiu como unha “mestura perfecta entre xuventude e experiencia”, un conxunto de “grandes profesionais” que darán o mellor de “si para asegurar unha gran xestión do Concello”. Con respecto a súa candidatura como alcalde, Guitián manifestou que séntese arroupado non so por este equipo, se non tamén por unha gran cantidade de persoas que forman o PP e que estarán traballando por tódalas parroquias, “transmitindo a ilusión e a confianza” para que a xente decida o seu voto polo Partido Popular.
A Coordinadora de Festas “Agora Ondeimos” non poderá entregar os premios “Bolas de Ouro” cos que pensaba distinguir ás autoridades da Xunta de Galicia, a Deputación de Pontevedra e o Concello de Gondomar, polo seu apoio á causa dos chamados “bingos sociales”. A Xunta Electoral Local, a denuncia de parte do BNG, entendeu que tratábase dun acto violatorio da actual normativa electoral, pois os únicos homenaxeados eran membros do Partido Popular. Sen embargo, a autoridade electoral non ordenará suspender a denominada “fiesta de Bingos Sociales” que estaba prevista para mañá domingo ás 17 horas na Alameda de San Bieto en Gondomar, por tratarse dunha actividade privada.
Baixo o lema Gondomarízate, o PSOE Gondomar presentará a lista coa candidatura de Francisco "Paco" Ferreira á alcaldía de Gondomar de cara ás eleccións de maio de 2011. O acto aberto celebrarase no Auditorio Lois Tobío ás 20 horas. Farán uso da palabra Marina Vidal, secretaria de organización - Gondomar; o candidato a Entidade Menor Local de Morgadáns, Jesús Cabreira; o Senador e secretario de organización do PSOE-PSG, Pablo García; o Deputado socialista do parlamento de España Antonio Henando Vera e o discurso final estará a cargo do candidato a alcalde de Gondomar Francisco Ferreira.
