Xoves, 28 Mar. 2024

Actualizado10:50:26 PM GMT

Estás en Nigrán Porto de Molle recibe unha nova inversión por máis de 8,5 millóns de euros.

Porto de Molle recibe unha nova inversión por máis de 8,5 millóns de euros.

Correo-e Imprimir PDF
porto-de-molle

O concello de Nigrán outorgou unha licenza de obras para a construción dun edificio destinado a equipamento social en Porto do Molle. Á compra de parcelas por parte das Empresas DISNA S.L., BRIGAL S.A., MARINE INSTRUMENTS S.A. e G.T.G. INGENIEROS S.L. ,o arrendamento dunha das Naves Bioclimáticas en construción por parte de BIBUS SPAIN S.L. e o inicio do edificio para oficinas por máis de 4.millóns de euros, agora únese a inversión por parte da Administración do Estado a través de Zona Franca de Vigo de 8.657.129,19 € para execución dunha nova edificación que empezará as obras de xeito inmediato, segundo o informado polo concelleiro de urbanismo Juan González.

Este edificio situado nunha parte visible na entrada do Parque Empresarial-Terciario ocupa unha parcela de 11.013 m2, un edificio adaptado á xeometría da parcela e que configúrase en forma de ELE de xeito paralelo aos viais circundantes e aberto cara unha praza orientada ao sur e que enlaza co paseo do Río Muíños.

Os usos a considerar son de equipamento social como salas de reunións, aulas de formación, almacéns e zonas de lecer e componse de dous módulos paralelos as dúas rúas e octogonais entre si e posúe planta baixa máis tres alturas. Todas as plantas están servidas por corredores horizontais, escaleiras, ascensores, servizos sanitarios, cuarto de instalacións, de limpeza e almacenaxe, situados de xeito tal que respecten a premisa de continuidade espacial, infórmase dende o Concello.

O concelleiro de urbanismo Juan González manifestou que "Este novo edificio dinamizará máis aínda o emprego no municipio de Nigrán e dotará ao Parque e ao propio concello de máis servizos e calidade de vida para os seus veciños e supón un paso máis de cara á posta en funcionamento do Polígono de Porto do Molle como motor económico de Nigrán e do Val Miñor."