Prenden lume 30 hectáreas da Serra do Galiñeiro 
-O lume iniciouse sobre a 1:30 horas da madrugada deste sábado na parroquia de Vincios Gondomar.
Medio centenar de brigadistas asistidos por dous hidroavións, dous helicóptero e palas mecánicas intentan controlar un incendio na Serra do Galiñeiro que se iniciou pasada a medianoite. O lume sitúase principalmente nunha zona rochosa, aínda que xa afectou a algúns espazos forestais próximos aos barrios de Brandufe e Piñeiros, na parroquia de Vincios en Gondomar.
O combate aéreo do lume ten por base o embalse de Zamáns, onde cargan os helicópteros, mentres que os hidroavións percorren o Val Miñor cargados de auga de mar que descargan na serra.
