A Comisión Galiza co Galego denuncia a Xunta de Galicia e tamén ao goberno de España por incumprir "os dereitos humanos e os dereitos da infancia, impedindo que a educación infantil de feito poida ser realizada en galego". Nun comunicado asinado por Francisco López en nome da Comisión e dirixido á cidadanía do país, "de Europa e do mundo", e motivado polo próximo Día do Ensino (7 de decembro), a Comisión afirma que " Os poderes políticos impiden que as familias eduquen e aprendan a lingua galega, lingua propia ou escollida na súa contorna natural no seu País: Galicia ou Galiza."

Poderán participar no mesmo os alumnos e alumnas de bacharelato e ciclos formativos de grao medio de todos os centros educativos.

Esta iniciativa, que a organiza a Oficina de Coordinación de Transplantes do Servizo Galego de Saúde en colaboración coa Consellería de Educación, ten como obxectivo achegar á poboación escolar da nosa Comunidade Autónoma a concienciación da doazón.

A formación dirixida a escolares permite dotar do coñecemento preciso na materia a cidadáns que se atopan nunha idade, dende o punto de vista intelectual e social, moi receptiva, que lles permitirá tomar unha decisión propia ao respecto.

A Asociación de Axuda as Persoas con Problemas De Saúde Mental Avelaiña comunica que retomará o 14 de decembro, o Programa de Escola de Familias no seu Centro do Val Miñor, situado en Gondomar. Entre os obxectivos deste programa está "o de servir como apoio e comprensión a aqueles que comparten unha mesma carga: a de convivir coa enfermidade mental, para poder afrontala acompañados e aprender entre todos, a desenvolver condutas e actitudes máis positivas cara á súa realidade cotiá."

A Dirección Xeral de Administración Local enviou o proxecto de decreto de constitución da área metropolitana de Vigo aos 14 concellos implicados, á Deputación de Pontevedra, á Administración Xeral do Estado -a través da delegación do Goberno en Galicia-, á Federación Galega de Municipios e Provincias (FEGAMP) e a diversos colectivos veciñais e económicos.

Faleceu na cidade de Vigo Francisco Fernández del Riego aos 97 anos. Fillo adoptivo de Nigrán, este intelectual galeguista foi un dos principais artífices da editorial Galaxia e director da revista Grial. Ensaísta e narrador, é autor dunha extensa obra centrada sobre todo na cultura e na literatura galega. Fernández del Riego pertenceu á xeración de intelectuais xurdidos arredor do grupo Nós. Ingresou en 1960 na Real Academia Galega  e en 1997 a presidiu.

As xornadas comezan o xoves 18 cunha homenaxe a Xulia Suárez Martínez, loitadora social, galeguista e defensora dos dereitos da muller, fundadora da Comisión cidadá pola verdade do 36. De seguido , o investigador Miguel Barros presentará o tema "A oposición non nacionalista en Galicia".

Baixo o lema Estratexia 2011-2016: ideas na encrucillada da crise, o próximo sábado 6 de novembro de 2010 reunirase en Baiona, no Parador Conde de Gondomar, o Consello Reitor do Instituto Galego de Análise e Documentación Internacional, IGADI . Nesta xuntanza, o IGADI realizará un balance de actividades e concretará as liñas de traballo para o próximo lustro.

Co horizonte do seu 25º aniversario, o Consello Reitor abordará aspectos de importancia contextualizados no actual panorama de crise económica, con especial atención cara a plena institucionalización física e orgánica da entidade; a mellora das súas capacidades nos eidos de estudo e actividades; a cooperación internacional ao desenvolvemento; a acción exterior de Galicia; e a análise política e estratéxica rexional e mundial.

O novo plan sectorial de vivenda pública proposto pola Consellería de Vivenda prevé a construcción de 1950 vivendas en Nigrán e 203 en Gondomar. A primeira actuación terá lugar na finca da Rabaleira na Ramallosa.

Intervención pública no mercado para controlar os prezos e facilitar o acceso das familias a unha vivenda. Ese é o obxectivo que persegue a Xunta coa posta en marcha do Plan Sectorial de Vivenda Protexida na Área Funcional de Vigo, que prevé construír en cinco anos 12.155 pisos a prezos limitados no sur da provincia. Máis da metade, 7.500, edificaranse na cidade olívica, e a este primeiro grupo sumaranse outros 1.875 ata o ano 2017, data de conclusión dun ambicioso programa que nos próximos oito anos pretende urbanizar no municipio 1,5 millóns de metros cadrados de chan e poñer no mercado 9.375 inmuebles a prezos limitados.