A Consellería de Educación e Ordenación Universitaria vén de comunicar aos centros educativos a decisión de suspender no día de mañá, 16 de febreiro, as actividades extraescolares e ao aire libre nos centros educativos das provincias da Coruña e Pontevedra, e na Mariña lucense, por mor da alerta laranxa que entra esta medianoite. Deste xeito a Consellería transmite aos centros a recomendación da Comisión de Alertas Meteorolóxicas, que celebrou hoxe a súa primeira reunión.

A rotonda de Vilariño que conecta a autoestrada do Val Miñor e a PO-34 (carreteira Ramallosa - Gondomar)presenta unha serie de carencias moi importantes en materia de seguridade para os peóns. Por exemplo, Dita intersección carece de paso de peóns e beirarrúas, o que obriga aos camiñantes a cruzala arriscando a súa integridade. Ante esta situación de perigosidade, o BNG instou ao goberno galego "a que tome as medidas necesarias inmediatamente". Así, O Grupo Parlamentario do Bloque Nacionalista Galego, por iniciativa do deputado Enrique Viéitez e das deputadas Carme Adán e Teresa Táboas, presentaron unha proposición non de lei en e unha serie de preguntas para a súa resposta por escrito e oral en Comisión.

A Plataforma Pola Protección da Serra do Galiñeiro prepara unha intensa axenda co fin de informar e sensibilizar ás autoridades e mais a opinión pública sobor a conservación dos valores da serra e a necesidade de protexerlla. Logo de acadar o rexeitamento de Vigo ao plan eólico disposto pola Xunta de Galicia que afecta ao Galiñeiro, a plataforma que agrupa actualmente a 22 asociacións presentou unha solicitude de entrevista a alcaldesa de Mos Nidia Arévalo con fines informativos. O colectivo tamén prepara a presentación dun blog que entre outras funcións, achegará tódala información concernente a loita desenvolvida, ademais das novas que ao respecto xurdan.

Se ben as empresas que fan o servizo de transporte público na comarca afirmaron que as quendas serán as normais durante a folga xeral a Confederación Intersindical Galega (CIG) asegurou a Valminor.info que controlarán que todo o movemento se reduza aos servizos mínimos. Serafín Otero, secretario xeral da CIG para a bisbarra de Vigo, explicou que por servizo mínimo enténdese tamén os autobuses que fan o servizo escolar. Consultado sobre a información que as empresas habían formulado na tarde de hoxe, Otero respondeu "unha cousa é o que digan e outra cousa o que podan facer".

Josué Villar en Gondomar e mais Jacobo Galego en Nigrán serán os candidatos a alcaldes nos concellos miñoranos nas próximas eleccións municipais por Esquerda Unida. Ambos os dous foron oficialmente presentados conxuntamente cos cabezas de candidatura nos concellos de Vigo, encabezada por Rubén Pérez; concello de Ponteareas, X. Henrique González; Porriño, Roberto Alonso e As Neves, Carlos Álvarez.

O arquivo das dilixencias pola desfeita arqueolóxica na parroquia de Burgueira (Oia) ordenada pola fiscal Natividad Gurriarán Fernández en outubro de 2010 aínda non lle foi comunicada oficialmente á agrupación municipal do PSOE, denunciantes xunto ao SEPRONA da mesma. Os socialistas recibiron a nova no pasado Pleno ordinario do mes de novembro de boca do alcalde Alejandro Rodríguez (PP), nunha intervención que segundo José Antonio Olmedo Granja, portavoz socialista non correspondía por ser unha resolución provisional. Olmedo afirmou sentirse vulnerado no seus dereitos ao non ser notificado formalmente o que lle imposibilita recorrer o acordo da fiscal.

O caso da desfeita arqueolóxica na parroquia de Burgueira en Oia no quedará pechado a pesar do arquivo das dilixencias ordenado pola fiscal Natividad Gurriarán. A asociación SOS Groba presentará un escrito ao Fiscal Xeral Carlos Varela coa intención de modificar a resolución de Gurriarán "que mais que unha actuación fiscal parece a do avogado defensor da empresa e a administración involucradas na destrución do patrimonio arqueolóxico", afirmou un portavoz da plataforma.