World Wildlife Fund España e Correos presentaron este mércores un proxecto de restauración de bosques autóctonos en Galicia, que comprende a bisbarra do Val Miñor, co que se pretende recuperar especies arbóreas como as carballeiras das que apenas sobreviven entre o 5 e o 15% da súa superficie orixinal. Ata o momento, esta colaboración permitiu a recuperación de 16 hectáreas de monte en Galicia, segundo informan ambas as dúas entidades nun comunicado.

.Multas de ata 30 mil euros para os infractores medioambientais prevé o futuro regulamento marco da prestación do servizo de saneamento e depuración da Xunta de Galicia.

.Os concellos de máis de 2000 habitantes poderán solicitar á Xunta que asuma a xestión das depuradoras.

Mañá sábado teran lugar os plenos de constitución das corporacións municipais despois dos últimos comicios municipais.

Baiona será o concello máis madrugador, a e investiruda do alcalde do Partido Popular Jesús Almuíña está programada para as 10:30h da mañá.

Ás 11h terá lugar o mesmo acto en Gondomar, neste caso o candidato polo Partido Popular Fernando Guitían recollerá o testigo do seu predecesor no cargo, Martín Urgal, e ao que se sumarán os concelleiros da nova formación CDL coa que formarán un pacto para gobernar en maioría.

A mesa de seguimento de tramitación dos proxectos eólicos integrada pola Consellería de Economía e Industria e mais a Asociación Eólica de Galicia (EGA) anunciaron a constatación do normal desenvolvemento do concurso eólico. Así o asegurou este xoves o responsable autonómico logo de manter unha nova xuntanza coa representante das empresas eólicas. Neste terceiro encontro, aseguraron traballar nun clima de "colaboración" onde "ambas partes sentaron as bases para a axilización, normalización e seguridade no procedemento de tramitación administrativa". Na xuntanza tratáronse tamén os aspectos técnicos relacionados coa evacuación da enerxía dos futuros parques "co obxectivo fundamental de atopar as mellores solucións".

O afondamento e rendibilidade da explotación forestal é o norte da futura Lei de montes de Galicia. A norma deberá ser "coherente coas demandas que formulan os silvicultores e as empresas vinculadas ao sector forestal", informou Alberto Núñez Feijóo, quen agregou que "temos un escenario económico nos montes que é necesario regular, que é necesario impulsar" e que polo tanto débese " atopar o máximo partido económico e social a unha das grandes riquezas que posúe a comunidade autónoma, que é a riqueza forestal, e frear o crecente abandono do monte en Galicia". As declaracións do mandatario recollidas nunha rolda de prensa onde non se mencionou en ningún momentos ás comunidades de montes, salienta que segundo Feijóo "“Imos facer unha lei para unha comunidade eminentemente forestal como é Galicia."

A Consellería do Mar está a desenvolver diferentes actividades en todo o litoral galego con motivo do Día Mundial dos Océanos, que se celebra este mércores 8 de xuño. O departamento que dirixe Rosa Quintana pretende con estas iniciativas xerar interese polo coñecemento dos mares e océanos e unha maior conciencia para traballar na súa protección e afirmar a nosa relación co medio mariño e defendendo e postulando a sostibilidade deste vínculo.

." O Galeguismo xa non é unha construción teórica, senón que se asocia coa nosa vontade democrática”

. “Partindo de moitas Galicias, logramos facer unha”, subliña o presidente galego recalcando que “da mesma maneira, partindo de diferentes sensibilidades, o Consello Consultivo logra alumear a nosa actividade lexislativa”

.Núñez Feijóo presidiu o acto de entrega das Medallas de Ouro do Consello Consultivo de Galicia aos primeiros conselleiros desta institución

A rapa das bestas en Torroña foi acompañada por máis de 2000 persoas. A pesar que a multitude o referendou como un dos curros máis populares de Galicia, os organizadores non pechaban a festa con alegría: cen eguas parideiras marchaban aos matadeiros de Portugal, tan só 20 das 200 crías que entraron ao curro volveron ao monte e por máis inri, os asociados "regalan" os seus exemplares para darse a baixa: " a xente non aguanta máis a presión", sinalou Modesto "Terri" Domínguez Roda, presidente da Asociación de Gandeiros de Cabalos de Monte da Groba.