O Val Miñor vivirá este sábado 8 de maio o tradicional curro da Valga. A actividade, tamén coñecida como “rapa das bestas” terá como contexto o estado de alarma xeral na que se atopan ás asociacións cabalares pola decisión da Xunta de Galicia de impoñer o uso obrigatorio dun chip identificatorio en cada cabalo ceibe. O costo deste elemento rolda os 40 euros, un valor desmedido para a rentabilidade que dan “as burras do monte”, en xeral conservadas polo seu valor lúdico e cultural. Distintas asociacións vinculadas aos cabalos e a defensa do patrimonio cultural galego preparan actividades de protesta e sensibilización a desenvolver durante o curro. Entre elas a asociación miñorana SOS Groba ha preparado unha cartilla na que expresa o seu apoio aos propietarios dos cabalos e aos curros. Reivindicando o seu valor como patrimonio cultural, a asociación manifesta que “as burras do monte xa teñan un marco identificativo, historicamente usado, que permite saber quen é o seu propietario, están rexistradas no libro das asociacións e teñen os seguros aos que obriga a lei.”
Val Miñor
O curro da Valga celébrase en medio das protestas pola implantación obrigatoria dos microchips.
Medio Rural presenta o Plan Director da Rede Natura 2000 no Parlamento Galego.
Medio Rural, a través do seu responsable Samuel Juárez presentou ante o parlamento galego o Plan Director da Rede Natura 2000, a través do cal a Xunta intenta adecuar a normativa europea a xestión desta rede. Segundo o manifestado o pasado martes, con este plan se intenta “dotar ao conxunto de espazos dun instrumento de planificación, ordenación e xestión que asegure a conservación dos valores naturais e que ao mesmo tempo compatibilice esa conservación co desenvolvemento social e económico das bisbarras nos que se asentan estes espazos e dos seus habitantes.”
A Consellería de Educación abre o prazo para os centros de ensino que desexen sumarse ao proxecto Abalar.
A Consellería de Educación e Ordenación Universitaria abrirá nos vindeiros días o prazo para que os centros educativos sostidos con fondos públicos soliciten a súa participación no Proxecto ABALAR para o próximo curso 2011/2012. Así, está previsto que sexan arredor de 40 centros os que se sumen o vindeiro curso ao proxecto, xa que cómpre destacar que os centros que xa están a participar no ABALAR neste curso non precisan solicitalo de novo, senón que continúan dentro do proxecto. O obxectivo é que no novo curso o ABALAR beneficie a máis de 31.500 alumnas e alumnos, ao ampliarse dos actuais cursos de 5º de primaria e 1º da ESO a 6º de Primaria e 2º da ESO. Deste xeito está previsto que a estratexia de integracións das novas Tecnoloxías da Información e a Comunicación (TIC) chegue a arredor de 1.500 aulas duns 340 centros educativos.
O descubrimento dunha cova con achados milenarios será amosada pola Plataforma do Galiñeiro.
O vindeiro sábado, 9 de abril as 19:00 horas no Antigo Convento de Santo Domingo, rúa Antero Rubín, en Tui se celebrará a conferencia " Xeopatrimonio da Serra do Galiñeiro - Monte Aloia" dirixida polo Clube Expeleolóxico Maúxo e o Instituto Universitario de Xeoloxía Isidro Parga Pondal. A conferencia constará de dúas partes, na primeira o tema a desenvolver será a " Orixe xeolóxica", que correrá a cargo do especialista Juán Ramón Vidal Romaní, Catedrático de Xeoloxía da Universidade de A Coruña . Posteriormente o presidente do Clube Espeleolóxico Maúxo, Marcos Vaqueiro Rodríguez presentará o tema "As Covas: Tesouros xeolóxicos baixoterreños inéditos" .
Reunión dos municipios galegos do Camiño Portugués pola Costa.
Os municipios galegos do Camiño Portugués pola Costa decidiron solicitar a sinalización do tramo galego e unha reunión coa xestora encargada coa intención de discutir outras iniciativas que permitan impulsar a ruta. A xuntanza celebrouse o pasado venres 1 de abril no Salón de Plenos do Concello de A Guarda. Participaron técnicos e representantes das administración municipais galegas involucradas para informar das conclusións extraídas dunha reunión previa cos municipios portugueses onde transcorre o camiño. No encontro informouse da dispoñibilidade dun novo albergue para peregrinos en A Guarda con capacidade para 36 prazas.
Debates post morten do GRUMIR sobre o futuro carácter público ou privado do servizo.
A decisión de disolver o GRUMIR aínda non deixou de resoar nos plenos das distintas corporacións miñoranas. De feito a pesar de que a Mancomunidade do Val Miñor xa firmou o "finiquito" do servizo de emerxencia, os grupos municipais presentaron mocións e seguiron debatendo a prol "dunha solución ao tema" nos derradeiros plenos do mércores e xoves en Nigrán e Gondomar respectivamente. Un debate cualificado "como inútil" por algúns concelleiros que admitían que os faladoiros "cheiraban a discurso pre electoral". Pero isto non foi o que máis chamou a atención destes debates "post morten". O incrible foi que as posturas dos grupos municipais presentaban matices que omitían ou agregaban contidos respecto ao amosado no debate da mancomunidade.
Concentración pacífica contra o peche de Televigo no MARCO (Vigo), mércores 30 ás 20h.
A dirección e os traballadores de Televigo convocan a unha concentración pacífica en oposición ao intento de peche da sinal por parte da Xunta de Galicia. A cita é para mañá mércores 30 de marzo nas portas do Museo de Arte Contemporánea (MARCO), na Rúa Príncipe de Vigo. Propiedade de Tranvías Eléctricos de Vigo, o seu director Roberto Fontán, está a desenvolver unha campaña de denuncia na que acusa ao goberno de Núñez Feijóo de intentar pechar a sinal por razoes electorais. A sinal de Televigo deixouse de transmitir no Val Miñor por decisión de RETEGAL, administradora do repetidor instalado na parroquia de Donas (Gondomar). Televigo transmitía na bisbarra pola canle 43 da TDT, agora utilizada pola sinal Marca TV.Sinatura de convenios entre a Universidade de Vigo e o Instituto de Estudos Miñoranos
Un convenio marco de colaboración e dous específicos relativos ás areas de Arqueoloxía - Historia Antiga e mais Microtoponimia - Talsonimia foron asinados hoxe entre a Universidade de Vigo e o Instituto de Estudos Miñoranos.
O Pleno da Mancomunidade ratificou os despidos do GRUMIR e a súa transformación.
O Pleno da Mancomunidade do Val Miñor votou por maioría o despido dos doce traballadores do GRUMIR e a formación dun equipo mixto de contratados e voluntarios que cumprirá as funcións de prevencións e auxilio ata a concreción dun parque de bombeiros na bisbarra. A moción tamén inclúe a realización urxente dun conxunto de xestións ante a Xunta de Galicia e mais a Deputación de Pontevedra na procura dunha solución definitiva ao tema. O debate foi intenso e contou coa achega de aplausos e desaprobación do público que encheu o Salón de Plenos do Concello de Baiona. Os concelleiros Xosé Enrique Fernández (BNG-Baiona), Fátima Rodríguez (BNG-Gondomar), Teresa Pérez (PSOE-Baiona) e mais Charo Valverde (UCN-Nigrán), votaron en contra do despido dos traballadores.
JPAGE_CURRENT_OF_TOTAL
