Unha morea de deportistas e veciños da bisbarra rodaron durante case unha hora dende Vigo ata Baiona o pasado domingo, en reclamo de máis seguridade e modificacións ao actual trazado do carrilbici que vai dende Vigo á A Guarda. Unha longa columna que ocupou parte do carril e parte a calzada da Estrada pola Vía, se fixo notar ao longo do traxecto, que pola súa dimensión sorprendeu ata os propios convocantes, segundo manifestaron a Valminor.info.

Ciclistas de tódala pronvicia de Pontevedra preparan unha marcha para este domingo 2 de setembro en reclamo de maior seguridade e remodelación do carrilbici Vigo - A Guarda. "Queremos chamar a atención da veciñanza e as autoridades para evitar accidentes", afirmou a Valminor.info, César Cabreira Rodríguez, deportista que tivo a iniciativa de agrupar aos usuarios do carril a través das redes. A mobilización comezará ás 11 horas no aparcadoiro do supermercado Froiz de Navia e transcorrerá a modo ata o Parador de Baiona onde se xuntarán con ciclistas do Baixo Miño, Ponteareas e Porriño.

O concelleiro nacionalista de Gondomar, Antonio Araúxo, presentará unha moción de rexeitamento ao anteproxecto de Lei de "Racionalización y Sostenibilidad de la Administración Local" que está a promover o goberno de España. A medida será plantexada ante o Pleno da Mancomunidade do Val Miñor, organismo que desaparecerá de aprobarse o anteproxecto gobernamental, xunto coa Entidade Local Menor de Morgadáns. O debate terá lugar este martes.

A Coordinadora Nacional Galega da Marcha Mundial das Mulleres convoca a unha concentración diante do MARCO (Vigo) para este martes 28 de agosto ás 20:30 horas. Con esta medida, a coordinadora -na que participan colectivos do Val Miñor- pretende amosar o seu desacordo coas modificacións propostas polo ministro de Xustiza, Alberto Ruiz-Gallardón, á vixente lei 2/2010 da saúde sexual e reprodutiva e da interrupción voluntaria do embarazo. Nomeadamente ante os intentos cara a restrinxir o dereito en casos de minusvalía ou malformación do feto.

Esclarécense todas as incógnitas sobre o rumor do adianto electoral en Galicia. O presidente Nuñez Feijoo, fixo público pouco antes das 12 do mediodía, a data oficial para os próximos comicios autonómicos galegos.

Queda anulada a comisión de investigación das caixas de aforros e tamén quedarán polo camiño once leis que estaban en proceso de debate ou aprobación, ou cando menos prometidas

Con pouco máis de 48 horas de vida un Blog de afectados pola construción do carrilbici Vigo - A Guarda leva próximo ás 1000 visitas e máis de 200 seguidores na rede social Facebook. Cunha participación maioritaria de deportistas do pedal que utilizan esta ruta nos seus desprazamentos, estas páxinas procuran nunha primeira etapa amosar os prexuízos que o actual deseño do carrilbici presenta á hora de percorrerllo, os graves perigos que agocha para ciclistas e viandantes así como xerar un espazo de unión dos afectados para programar actividades de denuncia.

O Sindicato de Xornalistas de Galicia (SXG) denuncia a violencia gratuíta e innecesaria coa que foi detido onte o fotógrafo do Diario de Pontevedra no Aeroporto de Peinador, Vigo. Como se pode comprobar nas imaxes publicadas, axentes da Unidade de Intervención Policial chegaron a pórse sobre sobre R. E. tras botalo ao chan para esposalo e arrestalo.

O proxecto final dos novos centros de saúde a construír pola Xunta de Galicia en Nigrán e Gondomar terán menos servizos que os contemplados no seu orixe. O feito foi denunciado polas agrupacións miñoranas de Esquerda Unida, logo de analizar o acordo da Xunta de Galicia do 1 de agosto de 2012, e a publicación do DOG do día 10, onde o ente autonómico autorizou o expediente para a contratación conxunta da redacción dos proxectos, dirección de obras, mantemento e subministración enerxética de 15 novos ambulatorios.