Os colectivos galegos agrupados na Iniciativa Galega pola Memoria Histórica homenaxearon ás vítimas do franquismo nun acto celebrado na Illa de San Simón, sede do antigo campo de concentración, o pasado domingo 15 de xullo. En distintas quendas, centos de persoas foron enchendo o barco que trasladoullas dende o porto de Cesantes cara á illa.

Cos datos actuais e aplicando xa a diminución dun terzo no número de concelleiros adiantada por Mariano Rajoy, habería cambios no reparto do poder local nos concellos de Baiona, Gondomar e Nigrán, aínda que é Gondomar onde mesmo podería haber un cambio de alcalde cos mesmos resultados electorais. Por outra banda perderían a súa representación no pleno grupos políticos como UCN-CDL de Nigrán.

A situación aínda está verde . Os medios nacionais anuncian unha rolda de conversacións PP - PSOE antes de sacar adiante esta reforma, a fin de darlle continuidade. Tamén hai voces que advirten que un cambio da Lei Electoral só se podería practicar a partir das vindeiras eleccións, do contraio violaríase a Constitución.

Trescentas persoas a cabalo e outras tantas a pé participaron da marcha reivindicativa pola defensa dos cabalos do monte, e contra o decreto equino da Xunta de Galicia que obriga a colocación de microchips nos cabalos salvaxes en detrimento das marcas tradicionais. Castrelos (Vigo) recibiu sobre as 11 de mañá aos xinetes e cabalos provenientes d' O Rosal, a Serra da Groba, a Serra do Galiñeiro, Oia, Tomiño e diversos puntos de Vigo.

Tódalas asociacións tradicionais, culturais e socias vencelladas á protección dos cabalos do monte e ás festas dos curros emprenderán unha marcha a pé e cabalar polas rúas de Vigo o vindeiro domingo 8 de xuño a partir das 11:30 horas. O punto de concentración será en Castrelos e marcharase ata a Praza España e volta a Castrelos. As asociacións convocantes pregan a tódalas persoas sensibilizadas con estas tradicións do país a sumarse á marcha reivindicativa contra o Decreto Equino aprobado o pasado 14 de xuño pola Xunta de Galicia, que pon en serio perigo a supervivencia dos cabalos ceibes.

A intelectual e escritora Kristina Berg Casares, viúva do escritor ourensá Carlos Casares, faleceu este martes en Vigo, segundo confirmou a Xunta de Galicia, que trasladou á familia e persoas próximas as súas condolencias. Veciña do Val Miñor, afincada en Vilariño, presidiu a Fundación Carlos Casares, e mantivo co seu home unha estreita relación coa bisbarra miñorana.

Dez cativos procedentes dos campos de refuxiados do Sahara chegarán entre o luns e o martes da vindeira semana ao Val Miñor. Os mesmos permanecerán durante os meses de xullo e agosto na nosa bisbarra no marco do programa Vacacións en Paz, organizado pola Asociación Solidariedade Galega co Pobo Saharauí.

A máis de catro meses da suspensión do servizo de recollida de animais por parte da Mancomunidade do Val Miñor, a bisbarra sigue sen formalizar unha solución ao tema. Por riba, o Pleno da Mancomunidade decidiu paralizar o expediente de adxudicación da recollida de animais abandonados, iniciado hai dous meses, e para o que xa había unha disposición orzamentaria de 40.680€, segundo información aportada polo concelleiro nacionalista Antonio Araúxo Quintas.

Pachi Vázquez, secretario xeral do PSdeG-PSOE, reunirase esta tarde, ás 19:30 horas, coas asociacións de gandeiros e cabalos de monte do Val Miñor para tratar a problemática do microchip, así como a situación dos curros da bisbarra. A xuntanza terá lugar no Centro Neural de Gondomar ás 19:30 horas.