Finalmente a aprobación inicial do PXOM de Gondomar foi rexeitada na votación do pleno. O proxecto contou co apoio dos 6 edís do PP e 2 do cogobernante CDL. Impúxose a maioría dos 9 concelleiros opositores e o documento deberá volver a estudo.

Tras máis de dúas horas e media de sesión e culminada a primeira rolda de intervencións os 9 concelleiros da oposición manifestan estar encontra do proxecto do PXOM presentado polo goberno de Gondomar (PP-CDL).

As principais críticas recaen na forma en que foi tramitado o documento, a falla de diálogo coa veciñanza, e innumerables pegas de orden técnico e da política urbanística que amosa o documento.

Os veciños de Gondomar preparan os baixos das súas casas e edificios no que parece ser xa o comezo dunha nova temporada de inundacións na vila.

Hoxe pola mañá desbordaba o río Morgadáns á altura do barrio de A Torre e todo facía prever que o entorno do CDL e o parque da Coelleira pronto aparecerían asolagados. A situación era similar no barrio de Moreira, nas fincas situadas á beria do río Miñor, onde as aguas xa entraron nalgunha delas.

"Coa convocatoria de Asemblea Aberta para o vindeiro sábado 20 de setembro ás 20:30h na Casa da Cultura de Gondomar iníciase no noso concello o proceso Construíndo futuro impulsado polo BNG", sinalan dende a agrupación nacionalista.

O Concello de Gondomar obtivo mala nota do Ministerio de Facenda en materia de cumprimento dos seus compromisos de estabilidade financeira. Gastou máis do que ingresou e gañouse un "non cumpre" do Ministerio na auditoría dos obxectivos estipulados pola Lei de Estabilidade Orzamentaria.

Nun informe revelado este xoves por Facenda, sinálase que a administración gondomareña rexistra un déficit de 697.562 euros correspondente á liquidación orzamentaria do ano 2013 e presentada en maio deste ano.

Será o vindeiro xoves 18 de setembro nun pleno convocado aos efectos de debater a aprobación inicial do planeamento urbanístico. O goberno adianta que presentará o mesmo documento que se ven traballando coa empresa redactora EPTISA, con entrada por rexistro no Concello o pasado mes de marzo. Documentación que fóra entregada no mes de abril ao resto da oposición, que ata de agora manifestou a súa desaprobación co mesmo. O debate terá lugar en 7 días nunha corporación na que o goberno atopase en minoría. Igualmente as autoridades de Gondomar adiantan a forma que regularán a suspensión de licenzas urbanísticas que nalgúns casos poden chegar aos dous anos.

A zona de xogos do colexio público infantil de Chaín está cuberta de matos.  

Así o atoparon este mércores as familias que levaron aos seus fillos no primeiro día do curso escolar.

O pasado 6 de febreiro deste ano, o pleno da corporación municipal de Gondomar cos votos favorables de PP-CDL-IxG, aprobou entregar a xestión dos RSU do concello á deputación provincial. Decisión que se tomou malia a ter os informes totalmente contrarios da Secretaría e Intervención municipais, segundo denunciara o grupo nacionalista en varias ocasións. Nese senso, a agrupación nacionalista presentou un recurso de reposición contra o devandito acordo, recurso que tiña que ser resolto no prazo dun mes polo propio pleno e que a día de hoxe aínda está sen resolver.

A poucos días do inicio dos cursos o problema de seguridade na circulación peonil dos escolares do CEIP Neira Vilas segue sen unha solución final. Por unha banda os pais da ANPA reclaman dende outubro de 2013 a presenza da policía local para que controle o tráfico ás horas de entrada e saída dos cativos. Sen embargo, a concelleira de Educación, Paula Bouzós, afirma que a presenza permanente dos axentes non é posible polo número de efectivos dispoñibles, aínda que matiza, “sempre que poden concorren a Peitieiros”.