Esquerda Unida lanza unha nova ferramenta de participación cidadá online: Programa aberto (http://www.programa-aberto.org/). O coordinador local de EU Gondomar, Josué Villar sinala que a organización busca adaptars ás novas formas de participación política online, "os novos tempos requiren de novas ferramentas". Con elas pretenden "garantir que as diferentes propostas dos veciños de Gondomar, Nigrán, e Baiona sexan identificadas, estudadas, e defendidas por Esquerda Unida nos diferentes municipios".

Os concelleiros nacionalistas Antonio Araúxo e Pauliño del Río informarán sobre o estado do PXOM, o cobro da taxa do lixo e do IBI, este sábado ás 20:30 horas na Casa Veciñal de Couso e o domingo ás 12 horas no Centro Cultural de Donas.

Nais e pais que acuden a levar aos cativos á gardería municipal de Gondomar reclaman que se arranxe dunha vez o sistema de desaugue do patio de entrada.

Denuncian que as bocas de desaugue son pequenas e están atascadas e cando chove un pouco acaban anegando todo o patio.

Nacionalistas acusan ao goberno de Gondomar de facer caso omiso ás múltiples advertencias sobre o deficiente mantemento da canle e beiras dos ríos que atravesan a vila.

Afirman que por mor diso as choivas destes últimos días provocaron que o  Río Miñor volvera anegar Gondomar “con importantes danos e moito dasacougo na veciñanza, principalmente na que vive perto das súas beiras”.

A estación de arte rupestre coñecida como Santa Lucía en Vincios, Gondomar, atópase gravemente afectada por unha serie de intervencións nos terreos do perímetro de protección do xacemento así como  o depósito de grandes bloques de granito enriba de varias das laxes gravadas. O estado da estación non permite visualizar se os petróglifos aínda existen, se foron deturpados ou atópanse agochados debaixo dos bloques. Ante esta agresión o Instituto de Estudos Miñoranos presentou este venres denuncia administrativa ante o Concello de Gondomar e a Xunta de Galicia, e presentou un escrito e probas documentais ante a Garda Civil para que o traslade ao ámbito xudicial.

O Concello de Gondomar sacará a licitación una serie de melloras para a Praza de Abastos da vila. Entre traballos previstos atópase a instalación de rampas de accesibilidade para a eliminación de barreiras arquitectónicas do edificio, a substitución da iluminación ordinaria por unha de tecnoloxía led, a instalación de rótulos luminosos nos postos de comercio, así como o mantemento xeral de limpeza e pintura. A inversión total será de 42.000 euros, dos cales o 75% será financiado pola Xunta de Galicia e o 25% restante polo Concello.

O novo convenio SERGAS-POVISA integra o servizo de hospitalización a domicilio e coidados paliativos coñecido como HADO. Atención que ata entón so beneficiaba ás persoas doentes adscritas á área CHUVI, deixando fóra aos usuarios de Gondomar e o resto do Val Miñor. En novembro do ano pasado a iniciativa do grupo nacionalista de Gondomar, aprobouse en pleno que o Concello reclamara ao SERGAS a súa implementación para os habitante do municipio. Sen embargo, e aínda a súa inclusión no novo convenio marco, Gondomar segue fóra do mesmo, segundo denuncia o edil Antonio Araúxo. "Unha de dúas: ou o goberno municipal non lle deu trámite, ou na Consellería de Sanidade non lle fixeron caso", afirma o concelleiro.

"Dada a necesidade de información e a demanda da xente, dende ANOVA-IN imos iniciar unha rolda de asembleas informativas por todo Gondomar", informa este mércores o edil nacionalista Antonio Araúxo. Engade que as mesmas terán por fin "explicar e informar á xente de como está neste momento o asunto do cobro e das posibles reclamacións ao respecto do IBI (contribución), do recibo do lixo e tamén da tramitación e futuro do PXOM. A primeira terá lugar este venres 10 de outubro ás 20:30 horas no Centro Neural de Gondomar. Na mesma, ademais de Araúxo intervirá o tamén concelleiro nacionalista Pauliño del Río.