Xoves, 28 Mar. 2024

Actualizado10:50:26 PM GMT

Estás en Gondomar Para evitar rebaixas nos soldos de goberno, postérganse por segunda vez os orzamentos de Gondomar.

Para evitar rebaixas nos soldos de goberno, postérganse por segunda vez os orzamentos de Gondomar.

Correo-e Imprimir PDF
casa-concello-gondomar


Figuraban na orde do día do pleno do pasado xoves, e cando toucou debater os mesmos, o concelleiro nacionalista non adscrito, Pauliño del Río, volveu presentar unha enmenda para
rebaixar á metade os soldos dos 6 concelleiros de goberno con dedicación exclusiva. Inmediatamente o alcalde Fernando Guitián (PP) sinalou que a devandita enmenda debía contar cun informe dos técnicos municipais pola súa repercusión xurídica e económica. Polo que ao igual que na sesión de xullo, o proxecto quedou enriba da mesa.
"De aprobarse a enmenda quedarían aprobados os orzamentos coa rebaixa inmediata ao 50% das dedicacións do goberno", explicou o edil nacionalista Antonio Araújo. "Unha vez máis volveu quedar claro cales son as prioridades do goberno", salientaba logo da sesión.


Consultado o portavoz socialista, Paco Ferreira, opinou en termos similares, "o goberno sabe que de ir a votación a enmenda contará con todos os votos da oposición e se verán obrigados a rebaixar as súas retribucións". Entende que o bipartito (PP-CDL) debería dedicarse a preparar os orzamentos 2015, que son os que realmente agora importan para o futuro próximo da administración local.
Aprobación das contas municipais
Por outra banda, o pleno aprobou as contas xerais presentadas polo oficialismo. O puido facer grazas a que os 5 concelleiros nacionalistas non adscritos decidiron absterse na votación. Nese senso, Araújo fundamentou a decisión do seu grupo no feito que trátase dun documento contable que vén a recoñecer "o despelote" orzamentario no que ten sumido ao Concello, e "como gastan os cartos públicos o goberno" en minoría de Fernando Guitián.