Está a estudo da Consellería de Medio Ambiente Territorio e Infraestruturas da Xunta de Galicia a modificación das interseccións de acceso á Praia de Patos e a Rúa Costa da Barxa á altura da PO 325 no concello de Nigrán. Segundo o comunicado por esta consellería ao parlamento autonómico, se está valorando a eliminación do trazado actual do camiño de acceso rodado recollendo como solución a construción dunha glorieta que facilite a circulación e ao mesmo tempo non afecte a seguridade peonil.

Unión Centrista de Nigrán (UCN) ingresou hoxe ao rexistro do Concello unha moción na que rexeita a permanencia na corporación do concelleiro socialista de Vías e Obras Cándido Costas Fernández ademais de solicitarlle a renuncia voluntaria da súa acta de concelleiro electo. O portavoz de UCN Antonio Fernández Comesaña, fundamenta a moción nun intenso informe onde cita as supostas continuas violacións do concelleiro socialista, das normativas urbanísticas vixentes e o incumprimento das sentenzas xudiciais relacionadas a unha vivenda unifamiliar da súa propiedade e actos de desorde público no concello de Nigrán. A iniciativa de UCN tamén insta ao alcalde Efrén Juanes a que proceda á destitución de Costas Fernández de tódolos cargos de concelleiro delegado, en caso de que este non renuncie voluntariamente a eles. A iniciativa en caso de ser aprobada déixalle unha semana de prazo a Efrén Juanes para dar cumprimento á execución da mesma. Pola súa banda, o portavoz socialista Juan González afirmou que unha vez máis o concelleiro Fernández Comesaña intenta atopar "un oco na política de Nigrán a través deste tipo de cousas". González manifestou o total rexeitamento dos fundamentos así como da moción presentada pola UCN, e quitou trascendencia ás acusacións de Fernández Comesaña por tratarse dunha persoa que no "ámbito da política esta moi desprestixiada".

Coa finalización das obras de Saneamento na Rúa Cotros de Abaixo en San Pedro da Ramallosa o Concello de Nigrán remata as obras de saneamento e abastecemento de auga a través do FEIL (Fondo Estatal de Inversións Locais), dotando de instalación da recollida de augas residuais as rúas, Salgueiral, Torriña, Caruñas, Monte Castelo, Palanca, Lameira, O Solgo, Pazos, Reboreda, Cova, Navás, Rúa das Pedras, Santiago de Parada, Volta do Médico, Rúa Telleira, Ponte Muiña, Gándara, A Barxa, Cotros de Abaixo e Barrio da Cruz-Cruceiro cunha inversión de 886.965,64€ e de abastecemento de auga nas rúas Palanca, O Solgo, Navás, Condomínguez, Sanromán, Palomar, Nogueira, Cea e Pombal cunha inversión de 220.488,76€, informou a Concellería de Urbanismo do municipio.

O PP de Nigrán propoñerá ao pleno municipal que solicite á Xunta de Galicia e mais á Deputación Provincial de Pontevedra a realización, de forma urxente, dos trámites necesarios para dotar ao Val Miñor dun parque de bombeiros en aras de garantir a prestación do servizo de prevención y extinción de incendios. A iniciativa tamén inclúe pedir a estas administracións supramunicipais unha axuda económica para garantir a prestación do servizo de emerxencia. O texto a debater é similar ao aprobado por unanimidade pola corporación de Baiona, ao que os populares manifestan adherir plenamente.