O Concello de Nigrán aprazou para despois de maio o inicio do trámite para retirarse da Axencia de Protección da Legalidade Urbanística (APLU). A decisión tomada polo pleno da corporación contou cos votos da totalidade dos edís socialistas e populares. Pola contraria mantivéronse os tres concelleiros nacionalistas non adscritos e mais os dous da independente UCN. A medida deixa en mans da corporación que xurda das próximas eleccións de maio a decisión final. O PP de Nigrán fundamentou o seu voto na aparición dun informe dos técnicos municipais contrario a retirada do concello da APLU, e que aseguran non foi amosado polo goberno socialista no pleno anterior. No devandito escrito, os técnicos da corporación falarían dunha carencia de medios do Departamento de Urbanismo de Nigrán para asumir as competencias delegadas na APLU.

Monteferro está indefensa. A península so conta cunha declaración de "Espazo de especial interese paisaxístico" na ordenanza municipal. Unha figura urbanística menor que non pode facer fronte aos múltiples intereses que preman esta zona emblemática das Rías Baixas. Por iso este xoves 30 de marzo, o pleno da corporación de Nigrán decidirá remover o expediente "conxelado" na Xunta de Galicia dende e época do Bipartito, para obter unha Declaración de Paisaxe Protexido para Monteferro. A necesidade de dotar de maior protección legal a este espazo será defendida polo concelleiro de Medio Ambiente de Nigrán, Juan Hermida. O obxectivo de incluír a Monteferro na Red de espazos protexidos da Xunta "é un paso básico, e un nivel de protección autonómico fundamental", explicou. Estratexicamente é importante implicar a Xunta na defensa de Monteferro, sinalou Hermida.

O PSOE de Nigrán utilizou cadeiras transportadas por funcionarios municipais durante o acto de lanzamento da súa lista de cara ás eleccións de maio de 2011. O feito foi denunciado polo candidato popular Alberto Valverde, quen difundiu como proba, unha fotografía tomada cun móbil por un asistente ao acto do pasado xoves 24 de marzo no Hotel Sotomayor de Nigrán. O PP librou un comunicado no que afirma que “tras la apropiación partidista de actos municipales como la inauguración la semana pasada de la Plaza Carlos Casares”, o ocorrido no devandito acto “ es la demostración de que González y el PSOE no respetan nada ni a nadie y creen que el Concello les pertenece”.

Pola súa banda, o socialista Juan González respondeu que “As sillas propiedade do Concello de Nigrán son prestadas e levadas sempre que calquera colectivo social, cultural ou veciñal así o solicita e para calquera tipo de acto”. Sen embargo, Valverde sostén que “Durante los cuatros años de mandato socialista, varias asociaciones vecinales y culturales, incluso comisiones de fiestas, vieron como se les negaba la utilización de estas mismas sillas para la organización de eventos.”

Este sábado día 26 o BNG de Nigrán, convoca á mocidade de entre 16 a 32 anos a unha xuntanza coa intención de escoitar  as súas opinións e inquedanzas relativas a temas do concello. A reunión é de carácter aberto "sen importar a cor política nin prexuízos", anuncian os organizadores. A cita é ás 12:30 no 2º andar da antiga estación de tranvías da Ramallosa (fronte ao cine Imperial).