O nacionalismo terá dúas candidaturas en Nigrán de cara ás eleccións municipais de maio.  Á xa anunciada polo BNG agrégase dende onte a do grupo de independentes escindidos do Bloque,  liderados polo actual concelleiro non adscrito David Giráldez.  A decisión chega logo de fracasar as negociacións para formar unha coalición con Esquerda Unida (EU) e tamén de rexeitar un ofrecemento da corrente nacionalista de centro Converxencia Galega.  Giráldez expresou que a súa formación  congrega a xente que pediu a baixa do BNG, entre eles moitos con “máis de 30 anos de militancia” a consecuencia da chegada dunha directiva “advenediza” onde os máis antigos teñen 7 anos como afiliados e os outros “o fixeron hai un ano”. O concelleiro Giráldez escusouse de adiantar o nome do cabeza de lista pero informou que a asemblea reunida na noite de onte, xoves 7, xa decidiu a adopción dunha sigla para a agrupación, así como os sete primeiros nomes da lista. A publicidade tanto do nome do partido como dos candidatos será dada a coñecer publicamente nas próximas horas.

O Partido Popular presentará oficialmente a candidatura de Alberto Valverde como alcalde do Concello de Nigrán. O acto desenvolverase nas instalación do Hotel Miramar mañá venres 8 ás 20:30 horas. Intervirán como oradores o conselleiro de Industria da Xunta de Galicia Javier Guerra e mais o Presidente da Deputación de Pontevedra e do PP provincial Rafael Louzán. Pechará o acto o candidato e actual concelleiro e portavoz popular de Nigrán, Alberto Valverde. Ao finalizar o acto ofrecerase un viño a todos los asistentes.

A Unión Centrista de Nigrán, por medio do seu voceiro e líder, Antonio Fernández Comesaña, anunciou que a Xunta Executiva do partido tomou a decisión de concorrer ás próximas eleccións municipais en solitario, descartando calquera alianza pre-electoral con outros partidos de corte centrista, como se especulara nas últimas semanas. Á súa vez, Fernández Comesaña confirmou a súa designación como candidato á alcaldía. En referencia ao que suceda despois do 22 de maio data dos comicios, en canto a alianzas post-electorais será algo que” se estudará no seu momento en función dos resultados obtidos na decisión expresada polos cidadáns de Nigrán nas urnas, e contrastando a afinidade nos programas electorais co de UCN”, afirmou o candidato.

O ex membro do PP Jorge Soto Sanromán de 47 anos encabeza a lista de candidatos a ocupar un escáneo de concelleiro na corporación de Nigrán. A lista, divulgada esta fin de semana foi acompañada có compromiso de desenvolver unha política de investimentos cara ás parroquias de xeito equilibrado. UPyD tamén comprométese a manter os trámites do Plan Xeral de Ordenamento Municipal iniciado na actual lexislatura para evitar unha parálise que afonde os problemas de desocupación. En materia de seguridade cidadán UPyD ten a iniciativa de reinstalar o servizo nocturno da Policía Local.