O concello de Nigrán deberá iniciar o expediente de solicitude de retirada da Axencia de Protección da Legalidade Urbanística (APLU) por mandato do pleno municipal. David Giráldez, o que fora 1º Tenente de Alcalde no mandato de Juanes, foi o portavoz da iniciativa que promoveu o seu grupo non adscrito (ex BNG) baseada nos “resultados non satisfactorios” da xestión da APLU. Segundo os autores da moción, a axencia autonómica non reportou ao concello ningunha execución dos expedientes a ela delegados, nin ingresou os cartos do 50% das multas e sancións impostas aos infractores nestes dos últimos anos. A moción dos nacionalistas non adscritos foi aprobada cos votos dos concelleiros do PP e UCN. Pola súa banda, Juanes afirmou que a APLU cumpre un labor de control urbanístico importante, e que “todos sabemos que con isto a cousa irá peor”, afirmou en relación á moción. “A cuestión de fondo é que o goberno perda unha votación”, afirmou Juanes unha vez que a rolda de portavoces anunciaba a derrota da posición do goberno.
Onte pola mañá os bombeiros de Vigo acudiron ás 8 da mañá a apagar o lume nunha vivenda da Avenida de Portugal, en A Ramallosa. O matrimonio que vivía na casa non resultou ferido pero o incendio provocou importantes danos materiais en dúas habitacións, e importantes perdas perdas de enseres e documentación persoal. Unha das habitacións quedou totalmente calcinada, e a outra quedou moi afectada polos efectos da calor e o fume. As causas do incendio se descoñecen de momento pero todo apunta a unha sobretensión de corrente no baixo da vivenda.
Antonio Fernández Comesaña está disposto a manter unha nova instancia de diálogo có Partido Popular para integrar a centro dereita en Nigrán. O líder da Unión Centrista de Nigrán (UCN) entende que as declaracións do presidente provincial dos populares Rafael Louzán, son unha clara desautorización ao candidato local Alberto Valverde “responsabilizándole del fracaso en las conversaciones iniciadas con UCN”.
