Membros da Asociación Veciñal e Cultural "Chandebrito 1807" descubriron recentemente cómo o antigo muíño de auga das Loureiras, situado en Chandebrito xa preto da parroquia de Coruxo, está practicamente derribado. Os veciños informan que posiblemente caloulle enriba unha árbore de grandes dimensións que se cortou hai poucos meses.

O Centro de Educación Especial Juan María de Parada albergou hoxe a derradeira xornada do proxecto Aula Verde na Escola. Trátase dun programa que a empresa Teixugos leva impartindo nos últimos anos nos centros educativos do municipio. Estes obradoiros, plantexados como xogos de educación medioambiental para os nenos e nenas de Nigrán, tratan diversos ámbitos dentro da protección e coidado medio ambiental do noso entorno.

Un festival medieval pechou o presente curso académico no CEIP da Cruz, en Camos, materia na que os alumnos deste centro levan traballando todo ano: os castelos e as distintas construcións arquitectónicas, os cabaleiros, a liñaxe vinculada aos escudos e os distintos estamentos sociais desa época da historia foron algunhas das cousas na que estiveron a investigar e aprender os nenos do colexio de Camos. Ademais das actuacións habituais e as graduacións dos pequenos que deixan infantil e primaria, pola tarde alumnos, profesores, pais, nais a familiares, deron o derradeiro adeus ao curso ataviados con traxes medievais.

A concellaría de Benestar Social do Concello de Nigrán, en colaboración coa Deputación Provincial de Pontevedra, organiza e convoca o Programa Diúrno de Balnearios. Este programa consiste en pasar cinco tardes seguidas dunha mesma semana no balneario Talaso Atlántico de Oia, facendo uso das súas instalacións e regresando diariamente a casa en autobús. Os usuarios deste programa poderán gozar dunha serie de servizos talles como, zonas de contracorriente, camas de burbullas, jets de masaxe, jacuzzi, sauna finlandesas, etc., durante unha media de 2 horas día.