Baseados nunha copia da documentación do PXOM que obraría en su poder, o PSOE de Nigrán revelou esta tarde que o novo Plan inclúe 8 APIS (Áreas de planeamento incorporado), 20 PERIS (Plans Especiais de Reforma Interior), 10 SUD (solo urbanizable delimitado) e 32 Polígonos, "a grande maioría absolutamente in-desarrollables e que condenarán aos propietarios pagar dende a súa aprobación IBI urbano". "O problema do PXOM de Alberto Valverde non está no nulo crecemento das parroquias senón no desmesurado crecemento das zonas de costa", opinou a través dun comunicado o portavoz socialista Juan González.

Os documentos do PXOM de Nigrán non serán dados a coñecer de forma pública ata despois da súa presentación oficial no Concello, cara a súa aprobación inicial no Pleno. Así o adiantaron esta tarde fontes do goberno municipal, sinalando que unha publicación oficial previa por parte da administración contravén as normas que rexen a tramitación deste tipo de expedientes. Nembargante, o alcalde Alberto Valverde anunciou unha próxima rolda informativa con tódolos interesados, grupos políticos e veciñanza, cara a brindar un balance das negociacións coa Xunta de Galicia e a actual situación do expediente.

-O concelleiro Antonio Fernández Comesaña responsabiliza ao PSOE de supostas entregas de información privilexiada do PXOM a promotores e amigos.

-UCN-CDL rexeita as restricións feitas pola Xunta de Galicia ás estimación de crecemento demográfico dos núcleos rurais de Nigrán.

A concellaría de Benestar Social e Sanidade do Concello de Nigrán informa da convocatoria do programa Benestar en Balnearios 2012, da consellería de Traballo e Benestar da Xunta de Galcia, dirixida a maiores de 65 anos e pensionista con 60 anos. Este ano, o programa convoca un total de 720 prazas en balnearios das catro provincias na modalidade de "todo incluído", sendo o desprazamento por conta dos beneficiarios.