A piques de comezar o verán as rúas Arco Visigótico e Álvaro Mourelle desde o paseo marítimo ata a rúa Tomás Mirambel serán obxecto de obras de substitución do pavimento empedrado.
Veciños e comerciantes de Panxón amosan a súa preocupación e malestar polos atrancos que as intervencións están a causar na zona en vísperas da tempada turística. Os traballos comezaron esta semana e o prazo de execución previsto é de dous meses.
Fernández Comesaña, voceiro da UCN manifesta o seu apoio ás protestas dos afectados e cuestiona a “urxencia e necesidade” de comezalas nestes intres.