Con catro pivotes de metal unidos por cadeas e delimitando a zoa con pintura amarela, un veciño de Panxón pecha a rúa Gaviota  coa clara intención de non permitir o aparcamento de vehículos fronte ao seu portal. A drástica solución está denunciada polos seus veciños dende o pasado 24 de marzo no Concello de Nigrán, sen que ata de agora exista coñecemento de resolución algunha por parte da administración.

Este venres 16 de maio ás 16:30 horas terá lugar un acto do PSOE no que participará o ex ministro de Traballo e Asuntos Socias, Jesús Caldera Sánchez-Capitán. O mesmo desenvolverase na terraza do Restaurante Beiramar no Porto de Panxón.

A investigación da Operación Patos mantense baixo segredo de sumario e a xustiza continúa analizando toda a documentación posta a súa disposición co xeito de preparar a fase de toma de declaracións. Feito que terá lugar despois das vacacións de verán segundo adianta este xoves a Axencia Europa Press.

As pescudas, sobre a suposta comisión dos delitos de prevaricación, tráfico de influencias e cofeito na adxudicación de contratos públicos, na que entre outros atópase implicado o ex concelleiro de Vías e Obras de Nigrán, José Álvarez Valverde continúa co xeito abordar coa maior información as declaracións de imputados e testemuñas.

Tras máis de 15 meses de inactividade o alcalde Alberto Valverde anuncia que o Centro da Terceira Idade de Nigrán retoma a súa actividade na vella estación do tranvía da Ramallosa.

Cun investimento 86.869 euros na súa remodelación, a empresa de recente creación, Janor Val Miñor S.L., con sede en Gondomar, explotará os servizos da cafetería por un máximo de 8 anos. Se ben o local leva dúas semanas aberto ao público trala súa inauguración o pasado domingo 27 de abril na que participou o alcalde, o anuncio oficial fíxose este martes tras outorgar a administración local a licenza de actividade da que carecía ata esta seman, segundo confirmaron diversas fontes da corporación a VM.