O Concello de Nigrán en colaboración cos concellos de Baiona e Gondomar e en execución dunha iniciativa da Rede Eusumo integrada na Consellería de Traballo e Benestar, organiza este mes de xullo o obradoiro "A fórmula cooperativa nos servizos sociais" que amosará as vantaxes e particularidades do cooperativismo como o mellor modelo empresarial para impulsar proxectos de creación de empresa no ámbito da prestación dos servizos sociais dando a coñecer referentes cooperativos no sector e mostrando os recursos para impulsar este tipo de proxectos. Este obradoiro vai dirixido a todas aquelas persoas interesadas en impulsar proxectos sociais e na formación necesaria para poder realizalo con éxito.
Un espectáculo de danza e o II Certame de Habaneras centra o oferta para a fin de semana en #Gondomar.
O sábado 25 a partir das 22:30, o grupo local "Danza Paradela" ofrecerá unha demostración das coreografías e xéneros musicais traballados cos integrantes da academia.
O domingo 26 a mesma hora, desenvolverase o II Certame de Habaneiras, coa participación da Coral Polifónica A Merced de Chaín, o Coro da Agrupación Musical de Vincios e a Coral San Mamede de Zamáns.
Todo o que podemos facer nesta fin de semana en #Nigrán “a un clic”
A fin de semana presenta unha axenda de actividades abertas a todo público nas distintas parroquias de Nigrán. Dende clases de pilates e zumba no Lourido, un carnaval de verán en Parada, Maxia en Panxón, feira de antiguedades en San Campio e ximnasia na praia, son as ofertas coordinadas polo Concello de Nigrán dende a concellaría de Cultura.
O estadounidense Chris Cheek, considerado o mellor saxofonista do momento, protagonista do #Nigránjazz
-O Festival adiántase este ano ao 31 de xullo para contar coa presenza dos mellores músicos de jazz da escena mundial
-O Cartel o completa o contrabaixista chileno Pablo Menares e o vibrafonista catalán Andreu Vilar-Juanola, ambos incorporarán a algúns dos mellores artistas galegos
-Os músicos e afeccionados poderán adquirir coñecementos nunha master-class matinal a cargo do quinteto de Chris Cheek
Toda a axenda de ocio e cultura de #Gondomar para xullo e agosto a un clic.
Catorce películas, dezaseis espectáculos musicais, un festival e dúas feiras é oferta de espectáculos públicos que ofrece o Concello de Gondomar a veciños e visitantes na tempada estival. En total próximo a 40 actividades entre as que destacan un festival musical na Alameda no Día Europeo da Xuventude, e o desenvolvemento da III Feira de Artesanía e Oficios Artesáns e a II Feira da Cervexa Artesanal que cubrirán as rúas céntricas da vila condal.
Programa musical para este mércores 22 de xullo en #Sabarís
A música toma os xardíns do Mercado da Tía Ni (Rúa Xulián Valverde, 36 )nun ciclo de concertos organizados por Leo Blanco e Mar Gómez. Nesta ocasión o carteto "Animato" interpretará pezas de Pachelbel, Boccherini, Mozart e unha selección de bandas sonoras e pezas populares.
Todo o que podes facer este mércores 22 de xullo en #Nigrán.
O C.R.C. Parada do Miñor en colaboración co Concello de Nigrán festexa a súa V Semana Cultural. O mércores, ás 20.30 horas, actuará a Escola de Danza Moderna Concello de Gondomar (Asociación Xuvenil de Paradela) e ás 21.30 horas o grupo folclórico 'A Merced de Chain'.
A parroquia de Parada celebra dende mañá a súa V Semana Cultural
O Concello de Nigrán colabora co Centro Cultural e Recreativo Parada do Miñor para celebrar a V Semana Cultual que terá lugar dende mañá martes ao venres 24 de xullo. Así, dende o martes ao xoves desenrolaranse diversas actuacións folclóricas e o venres terá lugar o primeiro entroido de verán na parroquia, enmarcado na VI Festa da Xuventude. Ese día a comparsa 'Fantasía de Primavera' do C.C.R. de Parada volverá a mostrar ao público a súa coreografía xunto ao grupo Breogán Valle Miñor. Ademais, haberá discoteca móbil e Djs.
Cantares do Brión nas festas de Santa Mariña: “toda a música é bailable”.
Este domingo 19 de xullo a parroquia de Vincios vivirá unha xornada especial coa celebración das festas de Santa Mariña. Ás 13:30 horas e dentro do programa festivo terá lugar a actuación do Coro Tradicional Cantares do Brión no torreiro. "Para esta ocasión escolleuse un repertorio moi variado, con pezas habituais en Cantares do Brión e outras novas, destacando a estrea de dúas melodías populares enlazadas, coa participación da sección de baile do coro", adiantan dende a agrupación.
JPAGE_CURRENT_OF_TOTAL