-OVALMI organiza a primeira feira de oportunidades do Val Miñor
O próximo domingo día 2 de agosto, no paseo Torrente Ballester da Ramallosa, celebrarase a 1ª Feira de Oportunidades do Val Miñor. A iniciativa de OVALMI, o evento reunirá a máis de vinte comercios da bisbarra que ofertarán os seus saldos e produtos en eidos tan diversos como calzado, vestimenta, fogar, cosmética e informática entre outros. Todos eles, con grandes descontos, segundo sinala a web da organización.
Este venres ás 22 horas no Centro Cultural de Couso terá lugar a posta en escena de "A vida da tía Lambida". A obra escrita por Blanco Amor, será posta en escena polo grupo de teatro A Moura, orixinario do Centro Cultural A Merced da veciña Chaín.
Trátase dunha selección de máis de 70 noticias da colección persoal de Carlos Gómez, composta por centos de artigos en prensa ordenados cronoloxicamente. A escolma informativa permite un percorrido entre finais do século XIX e todo o século XX coa cobertura dos principais sucesos acontecidos na parroquia de Chandebrito. As noticias escollidas publicáronse entre o ano 1898 e o 1999 en 9 periódicos diferentes do país, 26 delas son anteriores a 1976.
A partir do vindeiro luns 3 de agosto estará dispoñibles as listaxes cobratorias do imposto sobre Bens Inmobles do exercicio 2015. As mesmas poranse ó dispor do público nos concellos da bisbarra e o resto da provincia dende o día 3 de agosto ao 3 de setembro de 2015, ambos inclusive, segundo publica nesta xornada o boletín provincial. A publicación sinala que os interesados, durante dito prazo, poderán examinen os mesmos, podendo presentar, no prazo dun mes, desde o 4 de setembro de 2015, as reclamacións procedentes perante a Tesourería da Deputación de Pontevedra–ORAL .
O vindeiro domingo 2 de agosto a bisbarra acollerá a 3ª Concentración de Artefactos Flotantes. Como nas edicións anteriores as enxeñosas naves intentarán achegarse dende a Ponte da Ramallosa aos areais da veciña Ladeira. A organización informa que as piraguas e canoas que desexen participar poden anotarse até dous horas antes do evento que dará inicio ás 18 horas.
As voces miñoranas con sede na parroquia de Vincios serán as encargadas de cerrar a primeira noite do XXVIIII Festival da Muiñeira e XXVII Feira de Oficios Artesáns de Mondariz . O coro adianta que no repertorio, se incluirán pezas novas e "algunha sorpresa pensada para a ocasión e para o lugar". A actuación dará comezo ás 22 horas do vindeiro sábado 1 de agosto.
Presentouse nas redes o novo vídeo de Santos Morcegos, "Corre, Canceliñas, corre. O tema incluído no EP 7 homónimo é parte do último traballo desta banda de rock instrumental formada en 2008 en A Guarda. Disco conceptual dedicado á figura de "O Cancelliñas", Saturnino Cerezo Cancelas, o home que puxo en xaque aos corpos de seguridade de España e Portugal, actualmente no cárcere.
A música e danzas da parroquia de Baíña estarán presentes na tradicional Romaría do Chamoso que este ano cumpre a súa XII edición. Será este domingo, día 2 de agosto, cando o Grupo de Baile e Música Tradicional Airiños da Lagoa, estará xunto aos grupos Peleriños (Sarria) e Legua Dereita (O Corgo), no festival folclórico que se celebra na praia fluvial de O Corgo (Lugo).
Este sábado día 1 de agosto a Banda de Música A. M.Vincios actuará nas Festas patronais de San Félix - Concello de Nigran. Ás 11h. Primeira parte do Concerto na Praza do Concello ás 12h a Santa misa con procesión e Segunda parte do Concerto no campo da Festa de San Fiz.
JPAGE_CURRENT_OF_TOTAL
Non é publica. Esta é a útlima versión feita pública antes da súa aprobación inicial. Dende ese punto non hai[…]
Qué version buscas?