O vindeiro sábado 8 de agosto terá lugar unha visita guiada con punto de encontro no encoro de Baíña ás 19:30 horas. Coa guía de comuñeiros terá lugar un percorrido polo monte durante unha hora, sendo a súa dificultade cualificada como "baixa" pola organización. A visita abranguera o bosque autóctono, a presa de Morade, a produción de cogomelos e o colmenar Rematará cunha visita nocturna aos petróglifos de Outeiro dos Lameiros con música e queimada.
#AxendaVM Última oportunidade para ver a Iván Ferreiro, hoxe en Nigrán
Logo da actuación desta semán con Leiva en "El Náutico de San Vicente" no Grove, Iván Ferreiro volve a "xogar en casa" e ofrecerá un concerto en acústico este xoves 6 de agosto ás 21 horas no Pazo de Cea. O concerto será unha ocasión para repasar a discografía deste músico miñorano con proxección internacional. E quen sabe, igual Leiva aínda anda pola zona.
A Carrasca celebrará a V Festa Gastronómica de Ovos con Chourizo
O Concello de Nigrán colabora coa celebración da "V Festa Gastronómica dos Ovos con Chourizo" que se celebra mañá venres dende as 21.30 horas no CCD Bolos da Carrasca, que conclúe mediante este evento a súa semana cultural.
Noite de Jazz na Alameda de #Gondomar
A noite de xoves de Gondomar terá jazz como fondo musical. A concellaría de Cultura local anuncia a presenza de The Swamp Donkeys & Ashlin Parker New Orleans Jazz Concert. Será a partir das 22:30 horas na Alameda.
Toda a axenda coas festas, espectáculos e festivais de agosto en Nigrán “a un clic”.
Festivais de rock, festas patronais, espectáculos populares e moito deporte nos areais de Nigrá conforman maioritariamente a oferta de ocio e tempo libre do mes de agosto. O programa foi presentado oficialmente este mediodía pola edil de Cultura Ana Pérez.
Os comercios da Ramallosa ofrecerán ofertas e saldos durante toda a xornada do sábado. #Nigrán
Comerciantes da Ramallosa celebran o sábado a súa primeira Noite Aberta e OutletÂ
Os establecementos permanecerán abertos ata a media noite e ofrecerán descontos e sorpresas aos seus clientes
 Durante toda a xornada haberá concertos, animación infantil, inchables...
O Concello de Nigrán colabora cos comerciantes de A Ramallosa para celebrar este sábado a súa primeira noite aberta e outlet. Máis dunha decena de tendas situadas nas rúas Damas Apostólicas, Romana Baixa, Manuel Lemos e Camiño de Cabreira ofrecerán aos seus clientes dende as 10 da mañá e ata a media noite descontos especiais durante todo o día, ademais de ofrecerlles bombóns ou champán aos que se animen a entrar aos negocios, que levarán o escaparate ata a zona dos soportais.
As imaxes de #Nigrán percorren mundo trala emisión do trailer do filme “A praia dos afogados”
O adianto do tráiler do filme A praia dos afogados (La playa de los ahogados) de Tornasol Films foi partillada por máis de 3.000 seareiros dende a súa publicación o pasado 27 de xullo na web da TVE. A película, baseada na novela de Domingo Villar estrearase nos cines o vindeiro 9 de outubro. A estrea no Val Miñor terá que agardar.
Carmela Silva mantén o primeiro encontro cos sindicatos dos traballadores da Deputación
Acudiron os representantes de CC OO, CIG e CSIF
A presidenta da Deputación de Pontevedra, Carmela Silva, mantivo o martes o seu primeiro encontro cos representantes dos traballadores da institución provincial. Nesta xuntanza tamén estivo presente o deputado provincial responsable de persoal, Carlos López Font.
O novo goberno provincial quere desmontar a “política do chapapote” de Louzán en materia de infraestruturas.
O goberno provincial procura "democratizar" Infraestruturas, o departamento que funcionaba directamente ás ordenes do anterior presidente, Rafael Louzán (PP) e cuxo orzamentos deixou case esgotados, segundo a nova presidencia. Engaden que o anterior goberno fixo promesas electorais que compormeten os orzamentos durante os vindeiros 7 anos. Todas serán revisadas.
A Deputación quere estender o "modelo Pontevedra" de mobilidade ao resto da provincia. A municipalización de estradas provinciais que non revisten tal carácter será promovida.
O vicepresidente provincial, César Mosquera, asegurou que "rematou a política de chapapote" en materia de Infraestruturas e que a maquinaria do parque só se utilizará para atender vías provinciais
JPAGE_CURRENT_OF_TOTAL