O ciclo Cinema na Rúa en Gondomar ofrecerá este luns 3 de agosto unha proxección para todo público no Parque da Coelleira. A función dará comezo ás 22:30 horas coa proxección do filme “La ladrona de libros” (2013) dirixida por Brian Percival. Â O espectáculo conta co auspicio da Concellaría de Cultura de Gondomar e a Deputación de Pontevedra. Entrada de balde.
Cine na Rúa en #Gondomar: “La Ladrona de libros” no Parque da Coelleira
#Baiona : O festival multiartístico “Son da Rúa” abrirá as festas de San Lourenzo en Belesar.
Pasarrúas, teatro, danza, mercadillos e moita música formarán parte do programa que dende as 12 horas do sábado 8 de agosto dará comezo ás catro xornadas que abranguerán as Festas de San Lourenzo de Belesar.
De 12 a 14 horas, terán lugar pasarrúas co grupo tradicional A Merced da parroquia gondamarense de Chaín. Ao finalizar dará comezo un xantar popular até as 16:30 cando comece a mostra de cervexa artesanal do Val Miñor. Paralelamente haberá sesións de música alternativa e a actuación da Escola de Baile Marcando Pasos de Nigrán.
Cine ao aire libre para todo público este domingo pola noite en #Gondomar
O ciclo Cinema na Rúa en Gondomar ofrecerá este domingo 2 de agosto unha proxección para todo público no Parque da Coelleira. A función dará comezo ás 22:30 horas coa proxección do filme “La Lego película” (2014) dirixida por Philip Lord, Chris Miller e  Chris McKay.  O espectáculo conta co auspicio da Concellaría de Cultura de Gondomar e a Deputación de Pontevedra. Entrada de balde.
#Nigrán : Patos acollerá o único recital en Galicia do lisboeta finalista de “La Voz”, Marcos Martins.
Todos os seguidores do certame musical La Voz da cadea Telecinco estarán de parabéns. O portugués Marcos Martíns (agora radicado en Valencia), quen fora finalista do programa, fará un único recital en Galicia e será no Sunset Bar da praia de Patos, Nigrán.
O cantante que conquistou coa súa voz ao público e gañou eloxios de Alejandro Sanz subirá a escena o vindeiro sábado 15 de agosto ás 22:30 horas.
Unha vintena de comercios da comarca inaugurarán o domingo a feira de oportunidades “Portobelo”.
O Concello de Nigrán colabora coa asociación de Empresarios da comarca 'Ovalmi' para organizar este domingo a súa primeira feira de oportunidades, que se chama "Portobelo" e terá lugar de 11.00 a 22.00 horas no parque Torrente Ballester de A Ramallosa.
A nova edición do NigránJazz enche un ano máis o auditorio natural da Foz da Ramallosa
Un cheo total acompañou a nova edición do NigránJazz no auditorio natural da Foz na Ramallosa. O espectáculo comezou ás 21.00 coa actuación do vibrafonista catalán Andreu Vilar Trío, quen se acompañará na batería da galega Naima Acuña e no contrabaixo do cubano afincado en Galicia José Manuel Díaz.
Banco de España advirte que non se poden cobrar dúas comisións polo uso dos caixeiros automáticos.
O Banco de España emitiu nesta xornada unha circular na que afirma a retirada de efectivo nun caixeiro automático "constitúe un único servizo de pago, con independencia de que se realice nun caixeiro propiedade da entidade emisora da tarxeta bancaria ou doutra entidade". En consecuencia, ese servizo "só pode orixinar o cobro dunha comisión, xa sexa pola entidade emisora da tarxeta ou pola entidade propietaria do caixeiro". Deste xeito, o ente regulador dálle un tirón de orellas ás entidades bancarias que cobran comisións pola retirada de diñeiro aos usuarios que no sexan clientes do banco. AS asociacións de consumidores á vez piden multas para as entidades que apliquen este recargo.
#Gondomar : Cine para todo público no Parque da Coelleira: “Pancho el perro millonario”.
-Trailer, sipnsoe e xogos na nota.
O ciclo Cinema na Rúa en Gondomar ofrecerá este sábado 1 de agosto unha proxección para todo público no Parque da Coelleira. A función dará comezo ás 22:30 horas coa proxección do filme español "Pancho el perro millonario", dirixida por Tom Fernández. O espectáculo conta co auspicio da Concellaría de Cultura de Gondomar e a Deputación de Pontevedra. Entrada de balde.
Músicos e afeccionados participaron dunha aula maxistral co quinteto de Chris Cheek no Pazo de Pías.
-Ás 21 horas dará comezo o Nigranjazz na Foz do Miñor
O Pazo de Pías, en A Ramallosa, acolleu esta mañá unha aula maxistral do quinteto de Chris Cheek, á que asistiron 40 músicos e afeccionados de toda Galicia e incluso de comunidades veciñas como Asturias.
JPAGE_CURRENT_OF_TOTAL
