Gondomar acolle a mostra de pintura de Carmen Tayo, artista e veciña do concello. O acto inaugural tivo lugar no Centro Neural o pasado venres. Espazo onde fica a mostra que pode ser visitada durante todo o mes de agosto nos horarios da mañá e tarde.
Concerto acústico de Cosade2 con clásicos do pop-rock ás beiras do areal de Patos #Nigrán.
Cosade2 ofrecerá unha sedutora mestura de sons con versións propias de temas clásicos de bandas como The Beatles, Credence, Leo Sayer, U2, Queen, ou solistas como Miguel Rios, e Luz Casal entre outros. A cita é este sábado 8 de agosto ás 22:30 horas na terraza do Sunset Bar Patos con entrada de balde.
Couso celebrará a XII festa gastronómica “As delicias do Porco”
Zorza, lacón e orella serán a gran oferta para este domingo na XII Festa Gastronómica do Porco na parroquia de Couso.
A banda de gaitas Novos Aires de Couso será a encargada de organizar a XII Festa Gastronómica do Porco, na parroquia de Couso. O grupo, que animará o encontro, anuncia unha exquisita variedade de tapas que serán ofrecidas aos veciños e visitantes que o vindeiro domingo 9 de agosto achéguense ao torreiro de festas da Virxe dos Remedios.
O IEM abre inscricións para participar da Xeira Marítima Baiona – Illas Cíes .
O Instituto de Estudos Miñoranos convoca á segunda Xeira Marítima do verán. Neta ocasión a proposta é partir dende o porto de Baiona, atravesar as Illas Estelas, bordear Monteferro e poñer proa cara ás Illas Cíes. O arqueólogo Xosé Lois Vilar acompañará a navegación cunha abundante información desta zona xeográfica así como das diversas culturas que a habitan. A viaxe brinda a oportunidade de gozas dende a nave das fermosas vistas que ofrecen as costas de Vigo e o Val Miñor no lusco fusco.
O Concello de #Nigrán organiza unha noite de observación das Perseidas no Castro de Chandebrito.
O Concello de Nigrán a través da Fundación Ceo, Ciencia e Cultura organiza unha noite de observación das Perseidas, para o martes 11 de agosto ás 22:30 horas. A choiva de meteoros será vista dende o Castro de Chandebrito e será guiada por Ricardo Lago, membro desta fundación xestora do Observatorio Astronómico de Forcarei.
Inauguración da exposición conxunta de Víctor Lorenzo e Gabi Carrera en #Sabarís #Baiona
A partir deste xoves 7 de agosto poderá visitarse a mostra de arte dos creadores Víctor Lorenzo e Gabi Carrera. Instalada no Mercado de la Tía Ni, a exposición estará aberta até o vindeiro 30 de agosto.
La Fiesta Escénica instala a carpa de Cirkus Life! no Monte Lourido co espectáculo “Viaje Submarino”.
No seu vinte aniversario La Fiesta Escénica instálase a carón do campo de fútbol do Monte Lourido para ofrecer "Viaje Submarino". Espectáculo que mestura circo e teatro e pretende levar aos espectadores "ás profundidades dun océano cheo de maxia e colorido". As funcións terán lugar ás 20 horas de xoves a domingos.
#Gondomar : Concerto de Pelepau na Alameda
O estilo "Pelepau" encherá unha nova noite de verán no escenario montado na Alameda de Gondomar. Percusións e boas voces amplificarán aos catro ventos as música do país que este grupo espalla por toda a xeografía galega.
A Xunta convoca as subvencións para gastos de primeira vivenda.
A orde feita pública nesa xornada sinala o destino de 276.300 € para atender as concesións. Contía que anuncian, podería ampliarse. Esta orde ten por obxecto convocar para a anualidade 2015, a través dun procedemento en réxime de concorrencia non competitiva, subvencións destinadas a afrontar os gastos derivados da adquisición, da adxudicación ou da promoción individual de vivenda para uso propio, por parte de persoas que conten co financiamento cualificado do Plan de vivenda e rehabilitación 2009-2012.
JPAGE_CURRENT_OF_TOTAL