O Xornal do Val Miñor. Baiona, Nigrán, Gondomar

Nela veranse obras de Carla Andrade, Vari Caramés, Fernando Casás, Sara Coleman, Iago Eireos, Elena Fernández Prada, Ruth Montiel Arias, Carme Nogueira, Lois Patiño, Pamen Pereira, Jorge Perianes e Manuel Sendón. A mostra está comisariada por Paula Caballero

No marco da mostra terá lugar este xoves 30 de xullo a mesa redonda "Reflexións polifónicas sobre a paisaxe, o territorio e o espazo contemporáneos." Coa participación de Fernando Casás, o fotografo Manuel Sendón e o profesor de historia da arte, Federico López Silvestre. Modera a comisaria da mostra, Paula Caballero

A Concellería de Turismo, Cultura, Xuventude e Igualdade do Concello de Nigrán a través da OMIX e a Deputación de Pontevedra no marco de Programa Actívate 2015, organiza dous cursos de Acompañante de transporte escolar e Aplicación de técnicas de seguridade e primeiros auxilios, destinado prioritariamente a mozos e mozas de entre 16 e 35 anos empadroados en Nigrán (poderán participar persoas que non cumpran o requisito de idade ou empadroadas noutros concellos no caso de que a totalidade das prazas non fose cuberta). O curso é de balde.

"Haros de lume" é o título do espectáculo do grupo vigués formado por Álex "McBrain" (batería), "Pélvico" (teclados), Alfredo "Nardi" (contrabaixo-baixo-guitarra), Alberto "Bertus" (guitarra eléctrica) JL "Johnny" Ríos (voz-guitarra acústica). Cinco tendencias musicais con orixe en distintos estilos que conflúen nun repertorio – homenaxe aos grandes clásicos del rock n´roll dende os 60' a finais dos 90'. O espectáculo será presentado este venres 31 de xullo na Estación Marítima de Baiona a partir das 23:45.

O Concello de Nigrán, a través da Concellaría de Cultura, organiza mañá xoves no C.R.C. O Torreiro de Priegue ás 21.30 horas a actuación do humorista Somoza. O popular cómico redondelán leva máis de 25 anos adicados ao mundo do chiste, do que ten un repertorio de 6,000, muitos deles baseados nas súas propias experiencias. As risas están garantidas.

Este mércores 29 de xullo terá lugar unha visita guiada á aldea de San Cosme de Baíña . Actividade que contará coa guía de Anxo Rodríguez Lemos, membro da Sección de Historia, Arqueoloxía e Toponimia do IEM. O punto de encontro será ás 18 hora en Chan da Lagoa. A actividade non require inscrición previa.

A Concellaría de Turismo, Cultura, Xuventude e Igualdade do Concello de Nigrán, dirixida por Ana Pérez, organiza maña mércores unha peque-ruta polo río Muíños. O punto de encontro é a escola de vela de Praia América (zona de Lourido) ás 18.00 horas e o recorrido é de 4 km, é dicir, unhas dúas horas e media de duración.

Este xoves 30 de xullo ás 20:30 horas José María Peláez Valle achegará a conferencia "Desafíos, duelos e lances de honor en España". A mesma forma parte do ciclo que está a desenvolver a Concellaría de Cultura de Baiona e coordinada polo profesor Antonio Piñeiro, baixo o título "Baiona Cultural".

Cando os carteis estaban en todos os recunchos do Val Miñor co anuncio para este sábado da maior festa rave de Gondomar, un aviso intempestivo a deixou en nada. A organización recibiu a negativa dos administradores da Casa do Cazador, a menos de catros días do evento. "Nos llena de tristeza anunciar esto. Han sido meses y meses de trabajo, bastante dinero invertido en equipo y promoción, esperanzas e ilusiones puestas en ello, ... Pero se acabó", comunicaban na web do evento. Inda que o novo goberno de Gondomar procurou un escenario alternativo, segundo puido saber este medio, á organización decidiu cancelar ante a proximidade da data e o temor a confundir o público cun traslado.