As veces as cousas pequenas fanse grandes, pero o festival de músicas emerxentes  "Son da Marisma" son desas cousas que teñen toda a pinta de naceren grandes para converterse ainda en máis grandes.

Un proxecto concebido para marcar o fito de converterse nunca cita anual de obrigado paso para os amantes da música emerxente galega, pero dende unha perspectiva local; e coa Foz do Miñor como telón de fondo.

A Real Academia Galega decide dedicar o Día das Letras 2014 ao poeta e tradutor de Guitiriz, Xosé María Castro (Guitiriz, 1914 – Lugo,1989).
Xosé María Díaz Castro  é autor de Nimbos (1961) considerada un dos cumes da poesía galega moderna, e que contén o célebre poema "Penélope" xustamente célebre pola súa beleza e fonda reflexión sobre Galicia e o seu fado histórico.

A noite do 23 de xuño a asociación Espazo Lectura celebrará, un ano máis, un san Xoán alternativo con A Fogueira dos Versos: unha festa na que se combina a celebración tradicional desta data (con comida, cacharela e música tradicional), co recitado de poemas a carón do lume e cun espectáculo cultural que este ano correrá a cargo de Múrmel Bruxas co título de “Viaxe a Bipolarkus”. Será un espectáculo interdisciplinar, para todos os públicos, que mestura música, teatro e poesía.

A Comunidade de Montes de Vincios acaba de estrear o proxecto dixital Cartografías Sensibles (www.vincios.org). O novo portal ofrece a posibilidade de coñecer a través de cartografías, textos e multimedias o rico patrimonio cultural e natural que agocha a parroquia de Vincios, no concello de Gondomar.