Cultura
Este mércores foi presentado o curso "A explotación multifuncional do monte. Contribución ao desenvolvemento rural" da Universidade Internacional Menéndez Pelayo aos medios de comunicación. O acto tivo lugar na Aula de Cultura Ponte de Rosas, coa participación do director do IEM, Carlos Méixome e Eladio Ferro, os que salientaron a importancia de que por terceira vez teña lugar a celebración deste tipo de actividade formativa da UIMP, no Val Miñor.
Val Miñor - Cultura
Expertos das tres universidades galegas desenvolverán o curso da UIMP no Val Miñor.
Catro obras compiten como finalistas do VI Premio de Poesía Victoriano Taibo - Entidade Local de Morgadáns.
Finalmente o xurado elixiu 4 obras como finalistas de entre os 33 orixinais aspirantes a conseguir o VI Premio de Poesía Victoriano Taibo - Entidade Local de Morgadáns. Trátase dos títulos Territorios estraños, Estar aquí, Deitado no colo do odio, Volvería ao frío. Na próxima semana darase a coñecer cal dos catro é o gañador desta convocatoria cuxo ciclo pecharase na primeira quincena de novembro coa celebración do acto de entrega do premio, dotado con 3000 €, unha estatua conmemorativa da autoría de Fino Lorenzo e a publicación do libro na colección Victoriano Taibo do IEM.
Na reivindicación do Lourido, na lembranza de Paco del Riego.
No marco do centenario do ilustre intelectual galeguista, Francisco "Paco" del Riego, o Instituto de Estudos Miñoranos organizará un encontro en Lourido (Nigrán): "Na reivindicación do Lourido, na lembranza de Paco del Riego". O mesmo terá lugar o vindeiro venres 30 de agosto ás 20:30 horas xunto á placa que honra a del Riego, "Fillo adoptivo de Nigrán", na Área Loura.
Xeira do IEM á ex Colexiata de Santa María de Baiona.
A ex Colexiata de Baiona, un dos monumentos senlleiros da arquitectura relixiosa no Val Miñor será o destino da vindeira Xeira do Instituto de Estudos Miñoranos en colaboración coa Asociación O Sorriso de Daniel. A mesma terá lugar o vindeiro mércores 28 de agosto ás 18 horas, con punto de encontro no adro da igrexa. A guía estará a cargo da experta no Románico, Margarita Vázquez (O Sorriso de Daniel).
Visita ao Pazo de Barreiro e a súa contorna na parroquia de Vilaza.
O vindeiro mércores 21 de agosto o Instituto de Estudos Miñoranos organiza unha Xeira polo "Pazo de Barreiro e a súa contorna". O punto de encontro será na sede do IEM (Avda. da Feira 10, baixo, Gondomar) ás 18 horas. O guía da percorrida será o arquitecto Antonio Soliño Troncoso.
JPAGE_CURRENT_OF_TOTAL
