Cultura
A Asociación de Medios en Galego da que forma parte impulsora Valminor.info, abordou a situación do sector en sendas xuntanzas coa Secretaría Xeral de Política Lingüística e a Secretaría Xeral de Medios.
A Asociación de Medios en Galego (AMEGA) comeza a dar pasos en firme para mellorar e regularizar a situación daqueles xornais, radios, televisións ou webs que apostan polo galego como vía de comunicación. Con este obxectivo varios membros deste colectivo entrevistaronse coa secretaria xeral de Medios, Mar Sánchez, e co secretario xeral de Política Lingüística, Valentín García. Ambos os dous comprometeronse a traballar conxuntamente coa AMEGA para potenciar a situación dos medios en galego.
Continúan as Xeiras 2013 que organiza o Instituto de Estudos Miñoranos. Esta semana, coa colaboración da Agrupación Astronómica Rías Baixas, para unha "Noite de estrelas e lobos" na Chan da Lagoa na Serra da Groba (Baiona).
O Instituto de Estudos Miñoranos abre inscricións para interesados en participar dun Curso de Creación Literaria (poesía e prosa) que dirixirá a escritora Elvira Riveiro. O mesmo se desenvolverá en oito sesións os días xoves de 18:30 a 19:30 horas na Aula de Cultura Ponte de Rosas, situada na Avenida da Feira, número 10, baixo (Gondomar).
Este mércores 31de xullo terá lugar unha nova Xeira do Instituto de Estudos Miñoranos cunha visita guiada polas terras da parroquia gondomareña de Peitieiros. O punto de encontro será na sede do IEM (Aula de Cultura Ponte de Rosas, Avda. da Feira, Nº10, baixo, Gondomar), ás 17:30 horas.
